Supporting the Creative Economy: a programme for policymakers

Біз саясатты әзірлеуге қызығушылығы бар мәдени және креатив индустрияда жұмыс істейтін мамандарға арналған «Креатив экономиканы қолдау» онлайн оқыту бағдарламасына ашық конкурс жариялауға қуаныштымыз. Өтінім қабылдау мерзімі 2022 жылғы 13 маусымда басталып, 2022 жылғы 8 шілде сағат 12.00-де (GMT+1) аяқталады.

Бағдарлама туралы

Креатив экономиканы қолдау: саясат әзірлеушілерге арналған бағдарлама мәдениет және креатив индустрияда жұмыс істейтін сектор мамандарына арналған тоғыз апталық, тереңдетілген, өзін-өзі оқыту онлайн бағдарламасы. Бағдарламаға Албания, Армения, Әзірбайжан, Босния және Герцеговина, Грузия, Қазақстан, Косово, Солтүстік Македония, Черногория, Сербия, Түркия, Украина мен Өзбекстан елдерінен қатысушылар қатыса алады. Кәсіпқойлардың саясатты әзірлеу жұмыстарын ақпараттандыруға қажет пікірлер, тақырыптық зерттеулер мен практикалық біліммен қамтамасыз етіп, креатив экономика туралы түсінік қалыптастырады. Бағдарлама қатысушыларға өз қаласында/аймағында/елінде креатив және мәдени индустрияны қолдау үшін жаңа идеялар мен құралдарды, сондай-ақ Ұлыбритания мен халықаралық деңгейде кәсіби байланысты кеңейту мүмкіндігін ұсынады.

Тоғыз аптаға созылатын онлайн бағдарлама 2022 жылғы 25 шілдеден  25 қыркүйек аралығында өтеді және  қатысушылар үшін өзара кәсіби байланыс пен  трансшекаралық ойлауды қамтитын үш сессия толықтырады. Негізгі мазмұнды және оқу барысын қоса алғанда, әрбір модульді аяқтау екі сағаттан аспайды. Бағдарламаны толық тамамдаған қатысушыларға British Council және Cultural Associates Oxford ұйымдарынан сертификат беріледі. Бағдарламаны мына жерден қараңыз.

Қосымша ақпарат үшін arts.info@britishcouncil.org поштасына хабарласыңыз.

Кесте

2022 жылғы 13 маусым объявляется прием заявок
2022 жылғы 8 шілде (12.00 GMT+1) Өтінімдерді қабылдаудың соңғы күні
2022 жылғы 11 - 14 шілде Қысқа тізімге енген кандидаттар
2022 жылғы 15 шілде Қабылданған үміткерлерге хабарлама жөнелтіледі
2022 жылғы 19 шілде Резервті және қабылданбаған үміткерлерге хабарлама жөнелтіледі
2022 жылғы 25 шілде Бағдарламаның басталуы – 1 және 2 модульдер шығарылады
2022 жылғы 25 шілдеде басталатын апта 1-Тікелей эфирдегі сессия
2022 жылғы 15 тамыз 3 және 4 модульдер шығарылады
2022 жылғы 5 қыркүйекте басталатын апта 2-Тікелей эфирдегі сессия
2022 жылғы 5 қыркүйек 5 және 6 модульдер шығарылады
2022 жылғы 19 қыркүйекте басталатын апта Соңғы тікелей эфирдегі сессия және бағдарлама аяқталуы

Қалай өтініш беруге болады?

Біз Албания, Армения, Әзірбайжан, Босния және Герцеговина, Грузия, Қазақстан, Косово, Солтүстік Македония, Черногория, Сербия, Түркия, Украина және Өзбекстан елдеріенен үміткерлерді қабылдаймыз және оған қоса:

• мемлекеттік секторда жұмыс істейтін мамандар мен орта деңгейлі басшылар;

• саясат әзірлеу мен дамытуға қызығатын мәдениет пен креатив индустрияда жұмыс істейтін сектор мамандары

Қатысушылар ағылшын тілін толық кәсіби деңгейде меңгеруі тиіс. Курстың барлық материалдары ағылшын тілінде ұсынылады, бейнелердің субтитрі болады. 

Үміткерлер онлайн өтініш формасын яғни 8 шілде, жұмаға, 12.00-ге (GMT+1) дейін толтырып, тапсыруы керек.

Кімді қабылдаймыз

Қабылдану үшін келесі критерийлерге сәйкес болу керек:

• Қатысушы келесі елдердің бірінде тұрады: Албания, Армения, Әзірбайжан, Босния және Герцеговина, Грузия, Қазақстан, Косово, Солтүстік Македония, Черногория, Сербия, Түркия, Украина және Өзбекстан.

• Қатысушы өтінім формасы арқылы ағылшын тілін толық кәсіби меңгергендігін көрсетеді.

• Қатысушы мәдениет пен креатив индустрияда, креатив экономика саласында жұмыс атқарады. 

• Қатысушы 2022 жылғы 25 шілде мен 25 қыркүйек аралығында оқу бағдарламасына қатыса алады. 

• Қатысушы 18 жастан асқан.

Бағалау

Өтінімдерді British Council мен Cultural Associates Oxford өкілдігінен құрылған жоба командасы бағалайды.

Команда өтінімдерді өтінім берушінің жарамдылығы мен өтінім формасында көрсетілген ақпарат сапасы бойынша бағалайды. Өтініміңізде бағдарламаға неліктен қызығушылық танытқаныңызды және бұл бағдарлама еліңіздегі мәдени және креатив индустрияны дамытуға қалай көмектесетінін нақты түсіндіру маңызды.

Өтінімдер ауқымына байланысты қабылданбаған өтінімдер бойынша кері байланыс бере алмаймыз. 

Қосымша ақпарат алу үшін arts.info@britishcouncil.org поштасына хабарласыңыз.

Share this