Ұлыбританияда оқығыңыз келе ме?

Сіз мынаны білесіз бе?

• Әлемдегі ең беделді алты университеттің төртеуі Ұлыбританияда орналасқан (Дүниежүзілік QS рейтингі бойынша). 
• Ұлыбритания ғылыми зерттеулер саласында көшбасы болып табылады («Ұлыбританияның ғылыми-зерттеушілік өнімділігінің халықаралық салыстырмалы көрсеткіштері», Ұлыбританияның Кәсіпкерлік, инновациялар мен қолөнер министрлігі (КИҚМ)).
• Ұлыбритания – ағылшын тілін үйрену үшін ең танымал ел
• Ұлыбританияның университеттерінде білім алған шетелдік студенттер өз елдерінде оқыған жағдайда үміт арта алатын жалақымен салыстырғанда әлдеқайда көбірек еңбекақы алады («Шетелдік түлектердің 2011 жылы жұмысқа орналасуы туралы есеп», КИҚМ)

Ұлыбританияның оқу орындарында білім алу үшін, шығармашылық әлеуетті іске асыру және ең үздік жеке нәтижелерге жету үшін өте қолайлы жағдайлар жасалған. 

Ұлыбританияда сіз өзіңіз таңдаған мансап жолында табысқа жетуге көмектесетін мамандыққа ие боласыз. 

Ал оқудан бос уақытта Ұлыбританияның бірегей мәдениетімен, қалаларымен және ауылды жерлерімен танысуға мүмкіндігіңіз болады!

Ұлыбританияда оқудың артықшылықтары туралы көбірек мәлімет алыңыз.

Ұлыбританияда оқу курсын немесе оқу үшін стипендия іздеп жүрсіз бе? Біз сізге нені және қайда үйрену керек екені туралы шешім қабылдауға көмектесе аламыз. 

Біздің Study UK веб-торабымыздағы іздеу жүйеміз бен ресурстарымызды пайдаланып, сіз мыңдаған британдық курстар мен стипендиялық бағдарламаларды таба аласыз. Мұнда сіз түрлі оқу орындарында бакалавриатта, магистратурада және докторантурада, соның ішінде британдық жоғары білім бағдарламасы бойынша оқып, алуға болатын түрлі мамандықтарды табасыз. Сондай-ақ ағылшын тілін оқу курстары туралы ақпарат бар.

Мектеп оқушылары үшін Ұлыбританияның жабық оқу орындары туралы, сондай-ақ балалар мен жасөспірімдерге арналған ағылшын тілі курстары туралы деректер бар. 

Англия, Солтүстік Ирландия, Шотландия мен Уэльстегі курстардың түрлері туралы, мамандықтар мен түрлі білім беру жүйелері жайында көбірек біліңіз.

Егер сіз Ұлыбританияда оқуды жоспарлап жүрсеңіз, сізге виза алуға, стипендияларға, оқу мен тұрғын жайдың бағасына, денсаулық пен қауіпсіздік мәселелеріне, саяхаттар мен көптеген басқа жайттарға қатысты біздің кеңестеріміз көмектеседі. 

Сапарға аттанбай тұрып,  Study UK веб-торабындағы біздің ұсыныстамаларызбен танысыңыз.

Ұлыбританиядағы студенттік өмір шын мәнісінде қандай? 

Study UK веб-торабынан сіз Ұлыбританиядағы студенттік өмір жайында – студенттік одақтардан, түнгі өмір мен әлеуметтік ортаға енуден бастап, тамақ, сусындар, дін және ауа райы секілді мәселелерге дейін барлығын білетін боласыз. 

Сіз сондай-ақ фильмдер көріп, шетелдік студенттердің блогтарын оқи аласыз.