University exams
University exams image

Қашықтан оқыту бағдарламалары

Біз түрлі британдық университеттер мен колледждердің емтихандарын өткіземіз.

Маңызды ақпарат!

2016 жылдың 1 қаңтарынан бастап емтихандарға төлемдер тек ақшасыз түрде қабылданатын болады. Бұл шара толық ақшасыз төлеу жүйесіне көшуге байланысты, сондықтан қолма-қол ақша төлемі жоғары көрсетілген уақыттан тоқтатылады.

Қашықтан тапсырылатын емтихандардың (академиялық және кәсіби) ақысын жеке тұлғалардың төлеуі: 

  • Алматыдағы немесе Астанадағы British Council үйымында сынақ тапсыра алатын-алмайтыныңызды біліктілік органынан біліңіз.
  • Тіркеу туралы өтінім пішінін мына электрондық мекенжайына жіберіңіз, бұл орайда сынақ күнін, емтихан басталатын/аяқталатын уақытты, өткізілетін орнын (Алматы/Астана), біліктілік органының атауын көрсетіңіз. 
  • Біз растау хатын және төлем шотын 5 жұмыс күні ішінде жібереміз. 
  • Төлемді емтихан күнінен бұрын 5 күнтізбелік күн ішінде банктік аударым арқылы жүзеге асыру қажет. 
  • Банктік аударым туралы төлем тапсырмасында емтиханның атауын, сынақтың күнін, өткізілетін орнын және толық аты-жөніңізді көрсетіңіз. 
  • Емтихан тапсыратын күні банктік аударым түбіртегінің көшірмесін көрсетіңіз.  

Толығырақ ақпарат алу үшін мына электрондық поштаға жазуыңызды сұраймыз.

University of London – биік жетістіктері үшін халықаралық деңгейде танылған, әлемдегі жетекші академиялық мекемелердің бірі. Университет әлемдік деңгейдегі 20 колледжді және бірқатар белгілі институттарды біріктіреді. Университеттің жұмыскерлері мен түлектерінің арасында Нобель сыйлығының 55 лауреаты және 35-тен астам түрлі мемлекеттердің қазіргі және бұрынғы елбасылары бар.

1858 жылдан бері университетте бүкіл дүние жүзінен келген студенттер түрлі халықаралық бағдарламалар бойынша оқи алады. Қазіргі кезде Лондон университетінде 180-нен астам елден келген 40 мыңнан астам студент 100 түрлі бағдарлама бойынша оқып жатыр.

The Open University – қашықтан білім беретін бірден бір британдық университет.

Инновациялық білім беру, бизнесті дамыту және іс жүзінде қолданылатын озық технологиялар саласында әлемдік беделі бар Эдинбург бизнес мектебі бизнес пен өнеркәсіп саласындағы британдық білім беру ісі көшбасыларының бірі болып табылады.

Warwick University – Ұлыбританияның жетекші университеттерінің бірі, ол инновациялық технологияларды зерттеу мен оқыту саласындағы жетістіктерімен, сондай-ақ коммерциялық және өнеркәсіп орындарымен ынтымақтастығымен белгілі.

Біздің орталықта сондай-ақ барлық британдық университеттердің емтихандарын қайта тапсыруға болады (әдетте шілде-қыркүйек айларында). Әуелі рұқсат алу үшін өз университетіңізге хабарласыңыз, содан кейін бізге қосымша деректер жазылған өтінім пішінін жіберіңіз.

Келтірілген тізім толық тізім емес; сұрату бойынша біз кез келген британдық білім беру мекемесінің емтихандарын  ұйымдастыра аламыз. Толық ақпарат алу үшін бізге хабарласуыңызды өтінеміз.

Бағасы қанша?

Емтиханды ұйымдастыру үшін ақы алынады. Емтиханды ұйымдастырудың ақысына үй-жайға, емтиханды байқау бойынша көрсетілетін қызметтерге, емтихан қағаздарын қауіпсіз сақтауға жұмсалған шығыстар кіреді. Оған емтихан үшін университет алатын төлемақыны және шабармандық шығыстар кірмейді. Өз университетіңізден емтиханның құны мен шабармандық шығыстар туралы біліңіз, себебі олар емтиханға қатысты қағаздар жіберілетін елге байланысты болады. Емтиханды ұйымдастыру мен шабармандық қызметтердің ақысы туралы нақты білу үшін бізге хабарласуыңызды өтінеміз. 

Сіз сондай-ақ өз университетіңізден емтиханды байқауға жұмсалатын шығыстардың оқу ақысына немесе емтиханның ақысына қосылатын-қосылмайтынын анықтап білуіңіз қажет. Егер университет бұл шығыстарды өтемесе, онда оларды үміткер көтереді. 

Университетіңіз барлық егжей-тегжейлі мәліметті растағаннан кейін, емтихан өткізілетін орын мен уақыт туралы ақпарат алу үшін бізге хабарласуыңызды өтінеміз.

Ескертпе

British Council мен емтихан комиссиясы қызметтердің үздіксіз көрсетілуін қамтамасыз ету үшін барлық ақылға қонымды шараларды қабылдайды. Сондықтан біздің бақылауымыздан тыс мән-жайлардан туындаған кез келген кідіріс үшін біздің жауапкершілік көтере алмайтынымызды ескеріңіз. Егер емтихандарды өткізу немесе нәтижелерді жеткізу үзіліп, болмай немесе кешігіп қалатындай қауіпті жағдай орын алса, қалыпты қызмет көрсету үрдісін барынша тезірек қайта жалғастыру үшін қолдан келген бар күшімізді саламыз. British Council жауапкершілігі тіркелу ақысын өтеумен немесе емтиханды басқа бір күні қайта өткізумен шектелетін болады. 
Share this