Ұлыбританияда шәкіртақыға ие болу бойынша нұсқаулық

Ұлыбританияда оқу үшін қол жетімді шәкіртақылардың түрлері және олардың біріне ие болу мүмкіндігін қалай арттыруға болатыны туралы біліңіз.

• Ұлыбританияда оқудың артықшылықтары 
• Ұлыбританияда шәкіртақы алуға өтініш беру құқығы
• Ұлыбритания үкіметінің шәкіртақылары 
• Ұлыбританиядағы оқу орындарының шәкіртақылары
• Ұлыбританияда оқуға арналған жаһандық шәкіртақылар
• Ұлыбританиядағы бакалавриатқа арналған шәкіртақылары
• Ұлыбританияда шәкіртақы ұтып алу туралы үздік кеңестер
• Ұлыбритания үшін IELTS 
• Қорытынды

Беделді университетке түсу және халықаралық деңгейде танылған біліктілікке ие болу - көптеген адамның арманы. Мұндай қадам сіздің болашағыңызды қамтамасыз ететін жақсы инвестиция болатыны сөзсіз. Сонымен қатар бұл, әсіресе шетелге оқуға кету керек болса, өте маңызды инвестиция болады. 

Әрине, барлығы алдын ала жоспарланған болса басқа елде оқу қолжетімді болуы мүмкін. Шетелдік студент ретінде сізде шығындарды жабуға көмектесетін бірнеше қаржыландыру нұсқалары болады. 

Бұл блог жазбасында сіз әлемдегі үздік оқу бағыттарының бірі Ұлыбританияда оқу үшін шәкіртақы алу туралы жеткілікті ақпарат таба аласыз.

Ұлыбританияда оқудың артықшылықтары

Ғасырлар бойы Ұлыбритания академиялық ортада көшбасшы болып, әлемнің түкпір-түкпірінен шетелдік студенттерді тартты. Халықаралық деңгейде танылған университеттер, оқытудың инновациялық тәсілі немесе курстар жүргізетін жаңашыл ойшылдар болсын, Ұлыбритания сіздің потенциалыңызды ашу және табысқа жету үшін қажет нәрсенің бәрін ұсына алады. 

Ұлыбритания оқу үшін тамаша орын ғана емес, сонымен қатар сіз таңдаған салада мансапқа дайындалу үшін тамаша орын. Жұмысқа орналасу, тағылымдамадан өту және еріктілер қатарында болу сіз сияқты шетелдік студенттерге жаңа дағдыларды игеруге, жаңа байланыстар орнатуға және алған білімдерін нақты өмірде қолдануға көмектеседі. Ұлыбританиядағы курсты сәтті аяқтағаннан кейін сіз Graduate Route бойынша екі жылға дейінгі мерзімге жұмыс істеуге немесе жұмыс іздеуге рұқсат алуға өтініш бере аласыз.

Айтпақшы, сіз әлемдегі әрбір төртінші көшбасшының Ұлыбританияда оқығанын білесіз бе? Сонымен, егер сіз өте өршіл болсаңыз, болашаққа деген армандарыңыздың үлкен болғанына қарамастан, Ұлыбританияда білім алу сол арманыңызға жетуге көмектеседі!

Ұлыбританияда шәкіртақы алуға өтініш беру құқығы

Шетелдік студенттер Ұлыбританиядағы оқуын қаржыландыру үшін әртүрлі қаржылық көмек түрлеріне өтініш бере алады. Кейбір шәкіртақылар жартылай қаржыландыруды ұсынады (мысалы, оқу ақысының белгілі бір пайызын жабады), ал басқалары сіздің шығындарыңызды, соның ішінде оқу ақысын, тұру шығындарын және әуе билеттеріне жұмсалған шығындарды толығымен жабады. 

Қазіргі уақытта әрбір шәкіртақының өзінің іріктеу критерийлері бар екенін есте ұстаған жөн. Дегенмен, төменде сіздің тараптан орындалуы керек кейбір жалпы талаптар берілген:

• Академиялық жетістіктер

Сізде тұрақты жақсы академиялық бағалардың болуы академиялық шәкіртақы тағайындаудың негізгі факторы болса, шәкіртақының басқа түрлері сіздің алдыңғы оқу бағаларыңызды да ескереді.

• Тиісті жұмыс тәжірибесі

Кейбір шәкіртақыларға өтініш беру үшін сізде қолайлы толық жұмыс күні, толық емес жұмыс күні, ерікті жұмыс немесе ақылы/ақысыз тағылымдама болсын, тиісті жұмыс тәжірибесі болуы қажет. Көп жағдайда осы талапқа сай болу үшін әр түрлі жұмыс кезеңдеріндегі жұмыс тәжірибесін көрсетуге рұқсат етіледі. Егер сұхбаттасу кезеңіне өтсеңіз, сізден шәкіртақыға өтініш берген кездегі жұмыс орныңыздан қосымша ақпарат сұралуы мүмкін.

• Оқудан тыс іс-шаралар

Оқудан тыс іс-шаралар (мысалы, спорт секцияларына немесе әртүрлі қауымдастықтарға қатысу) жеке тұлға ретінде өзіңіз туралы көбірек айтуға көмектеседі. Сонымен қатар, мұндай іс-шаралар сізге жаңа дағдыларды үйренуге және әртүрлі контексттерде біліміңізді кеңейтуге тамаша мүмкіндік береді. Бұл ақпаратты көптеген шәкіртақылық бағдарламалардың сұрайтыны сөзсіз, өйткені ол сіздің қандай адам екеніңіз туралы түсінік береді. Мұны өз пайдаңызға жаратыңыз! 

• Болашақ жоспарлар/ұзақ мерзімді мақсаттар

Шәкіртақы алуға өтінімдерде көбінесе болашақ жоспарларыңызды (әдетте эссе түрінде) толығымен көрсету сұралады. Одан басқа, бұл сіз таңдаған оқу саласына деген ынта деңгейіңізді көрсетуге, неліктен шәкіртақыға лайық екеніңізді түсіндіруге және болашаққа нақты мақсаттар қойғаныңызды көрсетуге мүмкіндік береді.

• Ағылшын тіліне қойылатын талаптар

Шәкіртақыға ие болу үшін сізге тиісті стипендия тағайындайтын орган белгілеген ағылшын тіліне қойылатын талаптарды орындау қажет болуы мүмкін. Мұны әдетте IELTS сияқты ағылшын тілінен халықаралық тест тапсыру арқылы жасауға болады. Шәкіртақыға үміткерлер тізімінен ағылшын тілі деңгейі төмендерді алып тастап, тілдік тест ағылшын тілінде сөйлейтін ортада оқуды бастауға дайын екендігіңіздің дәлелі болады. 

Ұлыбритания үкіметінің шәкіртақылары

Ұлыбританияда оқығысы келетін шетелдік студенттер Ұлыбритания Үкіметі өткізетін түрлі шәкіртақы бағдарламаларға қатысуға өтініш бере алады. Төменде үш негізгі шәкіртақы бағдарлама берілген:

Chevening Scholarships шәкіртақылары

Чивнинг Ұлыбританияның кез келген университетінде кез келген магистрлік курстан өту үшін толық қаржыландырылған шәкіртақыларды (ұшу, тұру және курстың құнын қоса алғанда) ұсынады. Бұл шәкіртақылар айқын көшбасшылық потенциалы және күшті академиялық білімі бар адамдарға беріледі. Ұлыбританияда білім алумен қатар, бұл көшбасшылардың, инфлюенсерлердің және шешім қабылдаушылардың келесі буыны үшін Ұлыбританиямен берік оң қарым-қатынас орнатудың бірегей мүмкіндігі. 1983 жылы құрылғаннан бері Чивнинг 50 000-нан астам керемет мамандарға Ұлыбританияда өмір сүруге және оқуға мүмкіндік берді, бұл олардың кәсіби және академиялық дамуына көмектесті. Қосымша ақпарат алғыңыз келсе, Chevening Scholarships ресми веб-сайтына кіріңіз.

GREAT шәкіртақылары

Ұлыбритания үкіметінің GREAT Britain Campaign және Британдық Кеңеспен, сондай-ақ Ұлыбританияның қатысушы жоғары оқу орындарымен бірлесіп қаржыландырылған GREAT шәкіртақы бағдарламасы белгілі бір топтағы елдердің студенттері үшін мүмкіндіктер санын айтарлықтай арттыруға бағытталған: Бангладеш, Бруней, Қытай, Египет, Гана, Кения, Үндістан, Индонезия, Малайзия, Мексика, Непал, Нигерия, Пәкістан, Сингапур, Шри-Ланка, Тайланд, Түркия және Вьетнам. 

2021 жылы бағдарлама Ұлыбританиядағы 43 жоғары оқу орындарымен серіктестікте 309 шәкіртақы ұсынды. Жеңімпаздар бір жыл бойы әр түрлі жоғары оқу орнынан кейінгі курстарда оқығаны үшін өтемақы ретінде кем дегенде 10 000 фунт стерлинг алады. GREAT шәкіртақылары туралы қосымша ақпаратты біздің Study UK веб-сайтынан таба аласыз.

Достастық елдерінің шәкіртақылары

Егер сіз Ұлыбританияда қаржылық көмексіз оқуға мүмкіндігі жоқ Достастық елінің азаматы немесе тұрақты тұрғыны болсаңыз, Достастық шәкіртақысына өтініш беруге құқығыңыз бар. Ұлыбритания университеттеріне көрнекті таланттарды тартуға бағытталған бағдарлама көптеген марапаттарды ұсынады:

• Докторантура саласындағы Достастық елдерінің шәкіртақылары (аз дамыған елдер мен тұрақсыз мемлекеттер үшін)
• Достастық елдерінің шәкіртақылары (табысы төмен және орташа елдер үшін)
• Достастық елдерінің магистрлік шәкіртақылары
• Достастық елдерінің бірлескен шәкіртақылары
• Достастық елдерінің қашықтықтан оқытуға арналған шәкіртақылары
• Достастық елдерінің докторантура саласындағы шәкіртақылары (табысы жоғары елдер үшін)
• Достастық елдерінің медициналық шәкіртақылары
• Достастық елдерінің кәсіби шәкіртақылары

Достастық елдері шәкіртақыларының көпшілігі толығымен қаржыландырылады, сондықтан оқу ақысынан басқа, сізге Ұлыбританияға бару және кері қайту билетінің ақысы, сондай-ақ онда тұру шығындары қайтарылады. Осы шәкіртақылардың біріне қалай өтініш беруге болатынын білу үшін CSC apply page бетіне кіріңіз.

Ұлыбритания үкіметі сонымен қатар сіз сияқты шетелдік студенттерге жүздеген шәкіртақылар, шәкіртақылық төлемдер және қосымша қаржылық қолдау ұсынады. Қандай көмек ала алатыныңзды  білу үшін UK Council for International Student Affairs (UKCISA) веб-сайтына кіріңіз.

Ұлыбританиядағы оқу орындарының шәкіртақылары

Ұлыбританияның көптеген жоғары оқу орындары өздерінің шәкіртақылық бағдарламаларын жүргізеді. Ерекше дарынды адамдарды тартудан басқа, бұл шәкіртақылар Ұлыбританияда оқуға қаржысы жоқ студенттер үшін өмірде бір рет кездесетін мүмкіндіктерді жасауға бағытталған. 

Ұлыбританияның университеттері мен колледждері әртүрлі факторларға байланысты шетелдік студенттерге шәкіртақы тағайындайды. Сізге түсінікті болу үшін төменде жалпы жіктеме ұсынылған:

Санат	Бұл кімге арналған?
Академиялық, дарынды адамдарға арналған және жоғары жетістіктер үішн шәкіртақылар	Мықты академиялық білімі бар адамдар
Жұмыс нәтижелеріне негізделген шәкіртақылар	Сабақтан тыс іс-шараларда ерекше қабілеттерін көрсететін адамдар (мысалы, спорт, музыка, драма, би)
Нақты пәндер бойынша шәкіртақылар	Белгілі бір курсты немесе пәнді (мысалы, заң, сәулет, биология) оқығысы келетін адамдар
Тең қолжетімділік немесе баспана шәкіртақылары	Өз елдерінен кетуге мәжбүр болған және Ұлыбританиядан пана тапқан немесе оны сұраған адамдар
Мүгедектерге арналған шәкіртақылар	Мүгедектігі бар, ұзақ мерзімді психикалық ауытқуы бар, оқуда қиындықтары бар немесе басқа да ерекше қажеттіліктері бар адамдар

Егер сіз Ұлыбританиядағы белгілі бір колледжде немесе университетте оқуға қызығушылық танытсаңыз, қандай қаржылық қолдау ұсынылатынын білу үшін олардың веб-сайтына кірген дұрыс. Мысалы, Кембридж университетінің ресми веб-сайтында оның студенттеріне қол жетімді әр түрлі қаржылық қолдау көздері келтірілген: шетелдік бакалавриат студенттеріне қаржылық қолдау; магистранттарды қаржылық қолдау; Кембридж қауымдастығы беретін шәкіртақылар; Еуропалық және халықаралық қор; Кембридждегі Гейтс шәкіртақысы; және мүгедек студенттерге қаржылық қолдау.

Ұлыбританияда оқуға арналған жаһандық шәкіртақылар

Жоғарыда аталған шәкіртақылар белгілі бір елдердің болашақ студенттеріне арналған болса, шетелдік студенттер үшін қолжетімді басқа шәкіртақылар да бар. Ұлыбританияда білім алуға қаржылық көмек көрсететін бірнеше жаһандық шәкіртақылар:

Шетелдік студенттерге арналған Уэльстің жаһандық шәкіртақысы

Уэльстегі университетке түскісі келетін шетелдік студенттер Global Wales ұсынатын шәкіртақының төрт бағдарламасының кез келгеніне қатыса алады. Қазіргі уақытта Солтүстік Америка, Үндістан, Вьетнам және ЕО елдерінің студенттері өтініш бере алады.

Қосымша ақпарат алу үшін мына жерді басыңыз. 

STEM саласындағы әйелдерге арналған British Council шәкіртақылары

Сіз оқу салаңызға құмар STEM (ғылым, технология, инженерия және математика) пәні бойынша PhD дәрежесі бар әйелсіз бе? Бұл сіз күткен мүмкіндік болуы мүмкін! Бұл шәкіртақы бағдарламасы Солтүстік және Оңтүстік Америка, Оңтүстік Азия, Оңтүстік-Шығыс Азия, Египет, Түркия және Украина әйелдеріне ашық.

Қосымша ақпарат алу үшін мына жерді басыңыз. 

Хорнби қорының шәкіртақысы

Егер сіз кәсіби дамуға ұмтылатын тәжірибелі ағылшын тілі мұғалімі болсаңыз, Хорнби шәкіртақылары Ұлыбританиядағы Уорвик университетінде TESOL магистр дәрежесін алуға көмектеседі. Сонымен қатар, шәкіртақы Ұлыбританиядағы барлық шығындарды, соның ішінде тұру шығындарын; оқу ақысын; және кері қайту билеттерін, виза мен тілдік тест құнын жабуға арналған ай сайынғы стипендияны қамтиды. Хорнби қоры 130-дан астам атауы бар DAC тізімінде көрсетілген елдерден өтінімдерді қабылдайды. 

Қосымша ақпарат алу үшін мына жерді басыңыз.

Шотландиялық Saltire шәкіртақылары

Бұл шәкіртақы бағдарламасын Шотландия үкіметі Шотландия университеттері мен колледждерімен бірлесіп жүзеге асырады. Бұл Шотландияның кез келген жоғары оқу орнында магистратураға түскісі келетіндер үшін тамаша орын. Бағдарламада әрқайсысы 8000 фунт стерлингтен тұратын 50 шақты төлем қарастырылған, олар бір жылдық күндізгі оқу ақысын төлеуге арналған. Ол Канада, Қытай (Гонконгты қоса алғанда), Үндістан, Жапония, Пәкістан және АҚШ студенттеріне ашық.

Қосымша ақпарат алу үшін мына жерді басыңыз.

Ұлыбританиядағы бакалавриатқа арналған шәкіртақылар

Ұлыбританияда бакалавриатта оқуға арналған шәкіртақылар аспирантураға қарағанда аз екені рас. Алайда, бұл оларды табу қиынға соғады дегенді білдірмейді; сіз жай ғана оларды қайдан іздеу керегін білуіңіз керек. 

Егер сіз Ұлыбританияда бакалавриат курсынан өтуге үміттенсеңіз және қаржылық көмекке мұқтаж болсаңыз, шәкіртақының екі санатын іздеген жөн: Ұлыбританиядағы жоғары оқу орындары ұсынатын және сіздің еліңіздегі үкімет немесе ұйым сияқты үшінші тұлғалар ұсынатын шәкіртақылар. Британдық ұйымдар ұсынатын шәкіртақыларды анықтау үшін Ұлыбританияның университеттер мен колледждерге қабылдау қызметінің Universities and Colleges Admissions Service (UCAS) ресми веб-сайтынан бастағаныңыз жөн.

Ұлыбританияда шәкіртақы ұтып алу туралы үздік кеңестер

Шәкіртақыға ие болу - ешқандай қиындық келтірмейді; дегенмен, оны жүзеге асыру үшін уақыт пен күш жұмсауға дайын болыңыз. Осы кеңестерді орындаңыз, сонда сіз Ұлыбританияда оқу үшін шәкіртақы алу мүмкіндігін арттырасыз.

• Үй тапсырмасын орындаңыз

Ұлыбританиядағы шәкіртақылар туралы сізге қажет барлық ақпарат қамтылған бір ғана дереккөзді табатыныңыз екіталай. Сонымен, сіз шетелдік студент ретінде қолжеткізе алатын барлық қаржыландыру нұсқаларын анықтау үшін жеткілікті зерттеулер жүргізгеніңізге көз жеткізіңіз. Интернетте мұқият іздеу жүргізу жақсы идея болуы мүмкін: жергілікті Британдық Кеңестің веб-сайтына, шәкіртақы ұсынатын өз еліңіздегі ұйымдардың веб-сайттарына және Ұлыбританияның жоғары оқу орындарының веб-сайттарына кіріңіз. Шетелде оқуға қаражат іздеген кезде өз желілеріңізді шарлаған жөн.

• Іріктеу критерийлерін мұқият тексеріңіз

Өтініш беру туралы шешім қабылдамас бұрын, сіз шәкіртақының профиліне сәйкес келетініңздіі растау үшін әр шәкіртақының іріктеу критерийлерімен мұқият танысқаныңыз маңызды. Ең дұрысы, сізге жарайтын және ұтып алуыңыз мүмкін шәкіртақыларға ғана өтініш беруге уақыт бөлуіңіз керек.

• Өтінішіңізді бейімдеңіз

Жалпы айтқанда, шәкіртақы алуға екі бірдей өтініш болмайды - сізге әртүрлі сұрақтарға жауап беріп, әртүрлі талаптарға сай болу қажет болуы мүмкін. Әрине, бір өтініште берген ақпаратты екінші өтінішке көшіріп қоя салу дұрыс емес. Оның орнына, шәкіртақы алуға берген әрбір өтінімді шәкіртақы тағайындаушы орган белгілеген талаптарға толығымен сай келетіндей етіп бейімдеу үшін барлық күшіңізді салыңыз. Белгілі бір оқу орнында белгілі бір курсты оқығыңыз келетін себептер туралы шыншыл болыңыз. Әрине, бұл сіздің көп уақытыңызды алуы мүмкін, бірақ шәкіртақыға өтініш беру жылдам болады деп кім айтты?

• Белгіленген мерзімдерді сақтаңыз
  

Шетелдік студент болу әрдайым белгілі бір мерзімдерді сақтау қажеттілігін тудырады. Шәкіртақыға өтініш беру, тілдік тест немесе сіздің визаңыз болсын, белгіленген мерзімдерді сақтағаныңызға көз жеткізіңіз. Есіңізде болсын, мерзімдерді сақтамау Ұлыбританияда оқу туралы арманыңыздың орындалуына жол бермеуі мүмкін. Мұнда бастысы - жұмысты уақтылы орындау.

• Көмек сұраңыз

Шәкіртақыға өтініш бергенге дейін оны басқа адамның қарап шығуы әрқашан пайдалы болады. Бұл сіздің өтінішіңізді қарап шығуға және объективті кері байланыс беруге жеткілікті дағдылары бар кез келген адам – досыңыз, ағаңыз немесе бұрынғы тәрбиешіңіз болуы мүмкін. Егер сізде мұндай қолдау болмаса, әлеуметтік желілерге кіріп, сіз өтініш берген университеттердің қазіргі/бұрынғы ғалымдарына хабарласыңыз. Сіз олардың қаншасы көмектесуге дайын екенін білгенде таң қаласыз!

Ұлыбритания үшін IELTS

Университетке, шәкіртақыға немесе визаға өтініш беру үшін сізге ағылшын тілін меңгеру деңгейін анықтайтын емтиханды (SELT) тапсыру арқылы ағылшын тілін білетініңізді растау қажет болуы мүмкін. Егер сізге Ұлыбританияда оқу үшін виза алуға өтінішіңізді растау қажет болса, IELTS for UKVI Academic тесті өте қолайлы. Ұлыбританияның жоғары оқу орындарының сеніміне ие болумен қатар, бұл шетелдік студенттерге шәкіртақы беретін ұйымдар үшін таңдау критерийі болып табылады.  

British Council мекемесінде UKVI үшін IELTS-қа тапсырыс бергенде, сіз тестілеуге дайындық кезінде жан-жақты қолдау аласыз. Ол UKVI-ке тегін қол жеткізуді қамтиды, бұл GEL IELTS Prep үшін біздің су жаңа IELTS дайындық пакеті.

Қорытынды

Ұлыбританияда өмір сүру және оқу - бұл сізден қомақты ақша салуды талап ететін қызықты перспектива. Сондықтан, егер сіз шешуші қадам жасауға тұрарлық екеніне күмәндансаңыз, бұл трансформациялық тәжірибе сіздің жұмысқа орналасу мүмкіндігіңізді қалай жақсартатыны және болашақта сізге бірегей мүмкіндіктер беретіні туралы ойланыңыз. Ұлыбританиядағы білім - бұл АҚШ пен Австралия сияқты елдерге қарағанда орташа шығындардың аз екенін ескерсек, ақша мен сапаның жақсы арақатынасы. 

Толығымен қаржыландырылған немесе басқа шәкіртақы ұтып алу сіздің өміріңізді өзгертетін осы сапарға аттануға сеніміңізді күшейтуі керек. Есіңізде болсын, сіз өзіңіз байқап көрмейінше қаржыландыруды ала алатыныңызды білмейсіз, сондықтан батылдық танытыңыз. Сәттілік!