Ағылшын тілін онлайн-режимінде оқыту мен бағалауға деген сұраныстың жедел өсуіне орай British Council ағылшын тілін үйренушілерге арналған жаһандық цифрлық платформа саналатын ‘English Online’ бағдарламасын Қазақстанда іске қосты.
English Online’ студенттердің ағылшын тілі деңгейін жетілдіруге, олардың оқуларын реттеуге, сабақ кестесін таңдауға және интерактивті тікелей сабақтарға қосылуға мүмкіндік беру үшін арнайы жасалған. Сабақтарды British Council мұғалімдері өткізеді, ал сыныптар әлемнің түкпір-түкпірінен келген он шақты студенттен тұрады.
Платформа 55 минуттық онлайн және интерактивті курстар мен студенттердің қажеттіліктеріне сәйкес жасалған жеке оқу жоспарларын ұсынады. Ағылшын тілін үйренушілер қай жерде болмасын ‘English Online-ға’ кіре алады және тілдік дағдыларын аптасына 7 күн не 24 сағат бойы дамыта алады. Әр тақырыптық жинақ аяқталғаннан кейін студентке Британдық Кеңестің курсын аяқтағаны туралы сертификат беріледі.
British Council ағылшын тілінің сарапшылары әзірлеген және жалпы еуропалық анықтама шеңберінде (CEFR) жасалған ‘English Online’ A2 мен C1 деңгейлеріне дейін біріктірілген оқыту бағдарламасын ұсынады. Оқушылар өздерінің деңгейлерін анықтау үшін ‘English Online’ көмегімен тегін деңгейлік тест тапсыра алады.
Қосымша ақпарат пен платформаның ақысыз сынақ нұсқасы үшін мына мекен-жайға кіріңіз.