Alumni Awards 2022 | British Council

Қазақстандағы түлектердің жетістіктерін атап өту

Ұлыбританияда әлемдік деңгейдегі білім алған адамдар дипломының жемісін өмір бойы көреді. Alumni Awards сыйлығы Ұлыбританияда жоғары білім алған түлектердің таңдаған саласына тигізген әсерін және оның Ұлыбританияда оқуына қалай әсер еткенін атап өтеді.

British Council сегізінші жыл қатарынан бүкіл әлем бойынша Ұлыбританияның халықаралық түлектері үшін беделді сыйлығын табыстап келеді.

Study UK Alumni Awards сыйлығы Ұлыбританиядан тыс жерде тұратын түлектерге ашық. Жеңімпаздар мен финалистер — Ұлыбританияда алған білім, тәжірибесін өз қоғамдастығына, өнеркәсібі мен елдеріне оң үлес қосу үшін қолданған өнеркәсіп көшбасшылары. Study UK Alumni Awards Ұлыбритания жоғары білімінің әсері мен құндылығын көрсетіп, атап өтеді. Сондай-ақ марапат түлектер мен олардың университеттерінің халықаралық беделін арттырады.

Сыйлықтар қазіргі уақытта Ұлыбританиядан басқа кез келген елде тұратын, сондай-ақ Ұлыбританияда кемінде бір семестр оқыған немесе Ұлыбританияның акредиттелген оқу орнынан толық курсты (дәреже/біліктілік немесе одан жоғары) соңғы 15 жыл ішінде аяқтаған түлектерге беріледі.

Марапаттың төрт категориясын ұсынамыз:

Science and Sustainability Award сыйлығы ғылым мен тұрақты даму саласында мансабы және жетістіктерімен көзге түскен, және өз мамандығында жетістіктерінің әсері мен ауқымын өз саласы және басқа салаларда көрсете алатын түлектерге беріледі. Жұмыс бағыттары мыналарды қамтуы мүмкін: климат өзгеруімен күрес, таза энергия, медицина, тұрақты қалалар мен қауымдастықтар, машина жасау, өнеркәсіп және құрылыс.
Social Action Award оң әлеуметтік өзгерістер жасауға және басқалардың өмірін жақсартуға айрықша үлес қосқан түлектер марапатталады. Жұмыс бағыттары мыналарды қамтуы мүмкін: теңсіздікті, сондай-ақ кедейлік пен аштықты азайту. Білім және кәсіби даму. Бейбітшілік пен әділдік.
Business and Innovation Award инновациялық немесе креативті жаңа идеяларға, шешімдерге немесе одан әрі өсу әлеуеті бар бизнес мүмкіндіктеріне белсенді түрде кірісетін және үлес қосатын түлектер марапатталады. Жұмыс бағыттары мыналарды қамтуы мүмкін: кәсіпкерлік, бизнес, технология.
Ambassador's Award Қазақстанда өзінің кәсіби саласындағы үлгілі көшбасшылығымен және жетістіктерімен ерекшеленген және өз кәсібінде және одан тыс жерлерде өз жетістіктерінің ықпалы мен ауқымын көрсете алатын түлектерге берілетін мәдениет және шығармашылық сыйлығының орнына табысталады.

Таймлайн

1 қыркүйек, 2021	Өтінімдерді қабылдауды бастау
29 қазан 2021	Өтінімдерді қабылдайтын ақырғы мерзім сағат 16.00-ге дейін (BST)
қазан – қараша 2021	Өтінімдерді сұрыптау
ақпан 2022	Финалистер тізімін жариялау
5 наурыз 2022	Қазақстандағы ұлттық жеңімпаздарды жариялау
сәуір – тамыз 2022	Әлемдік финалистерді жариялау және онлайн режимінде марапаттау
қыркүйек 2022	Global Alumni Awards жеңімпаздарын жариялау

Міне, біздің финалистер

Business and Innovation Award

Ренат Бектуров

University of Leicester, «Болашақ» стипендиясы

Ренат – Астана халықаралық қаржы орталығының бөлігі Astana International Exchange Ltd. (AIX) компаниясының басқарма төрағасы. Ол экономикалық өсуді қолдау және осылайша аймақтағы өмір сүру деңгейін көтеру үшін Орталық Азиядағы қоғамдық нарықтарды дамытуда.

Ұлжан Бисаринова

University College London, «Болашақ» стипендиясы

Ұлжан – Ақылды жүйелер және жасанды интеллект институтының ғылыми қызметкері. Ол Жасанды интеллект саласындағы зерттеулермен айналысады. Қазіргі уақытта Ұлжан «Оқиға ағындары/камералардан бетті анықтау және бет белгілерін анықтау» жобасының жетекшісі болып жұмыс істейді.

Медет Дүйсембаев

University of Warwick, Chevening стипендиясы

Медет – инновациялық саладағы жетекші сарапшы. Қазір ол Қазақстандағы Дүниежүзілік банк пен Білім және ғылым министрлігі жүзеге асырған білім беруді жаңғырту жөніндегі жобаны басқару тобын басқарады. Жоба білім беру сапасын жақсарту және оқу нәтижесіндегі теңсіздіктерді азайту мақсатында ерекше қажеттіліктері бар балаларға арналған мектептерді инновациялық білім беру құралдарымен жабдықтауға бағытталған.

Science and Sustainability Award

Др. Мұхит Құлмағанбетов

Cardiff University, Вице-канцлердің Дипломнан кейінгі зерттеулер бойынша үздік стипендиясы

Мұхит қазір Көз аурулары қазақ ғылыми-зерттеу институтында және Гонконгтағы Көз және көруді зерттеу орталығында көптеген ғылыми жобаларды басқарады. Ол мемлекет қаржыландыратын гранттар бойынша бас зерттеуші және қазақстандық докторлық зерттеулерге жетекшілік етуге құқығы бар елдегі жалғыз офтальмолог.

Мұрат Үмбетқалиев

University of Sheffield, «Болашақ» стипендиясы

Мұрат – «Теңізшевройл» кәсіпорнының жабдықтар инспекторы. Ол Теңіз мұнай кен орнындағы өндірістік жұмыстардың қауіпсіздігі мен сенімділігін қамтамасыз етіп, сорғылар мен компрессорларды күнделікті тексеруден өткізеді және қажет болған жағдайда профилактикалық жөндеу жұмыстарын жүргізеді.

Нағима Аюбаева, GSFP

University of Essex, «Болашақ» стипендиясы

Нағима – «Самұрық-Қазына Инвест» ЖШС («Самұрық-Қазына» Қазақстан әл-ауқат қорының инвестициялық компаниясы) жасыл жобаларға жауапты жоба менеджері. Ол оң экологиялық және әлеуметтік әсерлері бар жобаларды қаржыландыруға көмектесетін қазақстандық жасыл қаржыландыру жүйесін құрған алғашқылардың бірі.

Social Action Award

Анна Гусарова

King’s College London, Chevening стипендиясы

Анна DAI Global компаниясының зерттеу және бағдарламалау жөніндегі және USAID Орталық Азиядағы тұрақты қоғамдарды қолдау менеджері. Бұл қызметте ол VE тәуекелдерін азайту бағдарламасы арқылы зорлық-зомбылық экстремизмнің (PVE) алдын алудың жаңа әдістерін анықтап сынады. Ол сонымен қатар Орталық Азия стратегиялық зерттеулер институтының негізін қалаушы және бас директоры.

Др. Қуат Акижанов

Manchester University, Bath University, «Болашақ» стипендиясы

Қуат – Қазақстан мен Еуразия аймағындағы әлеуметтік-экономикалық теңсіздікке назар аударатын саяси экономиялық сарапшысы. Қуат ғылыми-зерттеу жұмыстарымен, мемлекеттік саясатпен айналысады және табыс пен байлық айырмашылығы және оның себептері туралы білімді таратуға үйретумен айналысады.

Меруерт Сыздықбекова

London School of Economics and Political Science, «Болашақ» стипендиясы

Меруерт – Еуропа және Орталық Азиядағы БҰҰ Әйелдер аймақтық кеңсесінің қоршаған орта және климаттың өзгеруі жөніндегі маманы. Ол климаттың өзгеруі әйелдер мен қыздарға қалай әсер ететінін талдайды және аймақтағы кеңселерге саясат пен бағдарлама бойынша кеңес береді. Жұмысы мен жетістіктері үшін Меруерт Forbes Қазақстан журналының 2021 жылғы «30 жасқа дейінгі 30» тізіміне енді.

Әсем Жапишева

Cardiff University, Chevening Scholarship

Әсем-журналист, сценарист және саяси белсенді. Ол massmedia – Қазақстан саясаты туралы білім беретін интернет-басылымның және "Тіл Кеспек Жок" – мемлекеттік БАҚ үнсіз отырған тақырыптарды қамтитын Қазақ тіліндегі YouTube басылымы мен арнасының тең құрылтайшысы болып табылады. 2022 жылы режиссер Асқар Ұзабаевтың қазақстандық "Бақыт" көркем фильмі 72-ші Берлин Халықаралық кинофестивалінің (Берлинале) негізгі конкурстық бағдарламасына"Панорама" санатында енді.Фильмнің сценарийін Әсем Жапишева, продюсері – Баян Мақсатқызы жасады. Бұл Қазақстандағы тұрмыстық зорлық-зомбылық құрбандары туралы қызықты оқиға.

Биыл судьялар

Эрик Лоури, Қазақстандағы British Council директоры
Рио Ашрафи, Қазақстандағы Ұлыбритания Елшілігінің Саясат және коммуникация бөлімінің басқарушысы
Гүлзира Амантурлина, Қазақстандық әлеуметтік кәсіпкерлер қауымдастығының президенті, 2017 жылғы Ұлыбритания түлектері / UK Alumni Awards сыйлығының иегері
Ғалым Бәйтімбетов, «AquaPoint» ЖШС негізін қалаушы және бас директоры, Ұлыбритания түлектері / UK Alumni Awards сыйлығының 2020 жылғы жеңімпазы
Дана Әбсейітова, эндокринолог
Данияр Мұқытанов, Халықаралық бағдарламалар орталығының вице-президенті
Ильдар Абдулхамов, Intellisense.io
Индира Қиылыбаева, «Транстелеком» АҚ экономикалық жоспарлау және талдау жөніндегі атқарушы директоры

Талаптарға сай келетін барлық үміткерлер түлектерге арналған жаһандық сыйлыққа ұсынылатын болады.

Сыйлық лауреаттары өздерінің халықаралық беделін арттыруға, кәсіби байланыстарын кеңейтуге және Ұлыбританияға networking сапарының арқасында мансапты сәтті етуге мүмкіндік алады (Covid-19 жаһандық жағдайына байланысты).