Форумды ұйымдастыру жөніндегі стратегиялық топ

Ingenious Group тобының арнайы кеңесшісі, жасампаз индустриялар бойынша шақырылған дәріскер, Лондон университетінің Голдсмит колледжі, Ұлыбритания

Мартин бұқаралық ақпарат құралдары мен энергетика саласында маманданатын және Ұлыбританияда кино мен теледидар өнімдерін шығаруға инвестиция құйғанымен ерекше танымал болған британдық Ingenious инвестициялық компаниясының арнайы кеңесшісі болып табылады. Мартин Ingenious компаниясына корпоративтік пиар, мемлекеттік органдармен қарым-қатынас және жұртшылықпен байланыс мәселелері бойынша кеңес береді және ел ішіндегі және шетелдегі толып жатқан форумдарда компанияның атынан өкілдік етеді.

Сондай-ақ ол Ingenious компаниясының негізін қалаушы Патрик Маккеннамен филантропиялық жобалар, өнер, әлеуметтік инвестициялар және білім беру саласындағы жобалар бойынша жұмыс істейді және өзінің меншігіндегі West Bridge Consulting кеңестемелік фирмасын басқарады. West Bridge компаниясын құрғанға дейін Brunswick Group LLP компаниясының серіктесі болды, оның клиенттерінің қатарына Ресей Федерациясы, Чех Республикасы, Украина, Канада, Нидерланд, Австралия, Франция, Германия, АҚШ сияқты елдердің, сондай-ақ Ұлыбританияның мемлекеттік мекемелері мен жекеменшік кәсіпорындары кірген болатын. Одан бұрын Лондон мен Брюссельде тұтынушылармен қарым-қатынас және мемлекеттік саясат саласында жұмыс істеді, сондай-ақ Channel 4 арнасы жұмысының алғашқы кезеңінде Thames TV телерепортері болды.

Вестминстердегі St John’s Smith Square концерт залының төрағасы, сондай-ақ Young Vic театр компаниясының бұрынғы төрағасы болып табылады. Өнер мен гуманитарлық ғылымдар жөніндегі кеңестің «Мәдени құндылықтар» жобасының кеңестемелік тобының мүшесі болды. Ұлттық кино мен теледидар мектебінің (NFTS) кеңесшісі болып табылады. Сондай-ақ Ingenious компаниясы мен Англияның Өнер жөніндегі кеңесінің (ACE) бірлескен кәсіпорны – MeWe360 жасампаздық бизнес-инкубаторымен жұмыс істейді. 

Профессор (мәдени экономика), Мәдениет пен жасампаздық индустриялар орталығының директоры, Сити Университеті (Лондон университеті), Ұлыбритания

Энди – мәдени индустриялар саласында халықаралық танымалдыққа ие болған  сарапшы. Корольдік өнер қоғамының, Корольдік география қоғамының мүшесі, сондай-ақ Қоғамдық ғылымдар академиясының академигі болып табылады. Лондонның Университеттік колледжінде (Бартлетт кескіндеме мектебі), Лондон экономика мен саяси ғылымдар мектебінде (география факультеті және Қалалық зерттеулер орталығы), сондай-ақ Лондонның Корольдік колледжінде академиялық қызметтер атқарады (мәдениет, бұқаралық ақпарат құралдары және жасампаздық индустриялар). 

Мамандануы – АҚШ-тағы, Еуропа мен Жапониядағы мәдени индустрияларды талдау. Ғылыми бағыттарына мәдени экономиканың идеялардан бастап өндіріске, дистрибуцияға, тұтыну мен талдауға (білімге) дейінгі барлық қырлары кіреді. Мемлекеттік және қалалық органдардың, сондай-ақ ЕО, ЮНЕСКО, ЮНКТАД, ВОИС және British Council ұйымдарының лауазымды тұлғаларының ақылшысы әрі кеңесшісі болды. Бірқатар ірі ғылыми жобаларды, соның ішінде Өнер мен гуманитарлық ғылымдар жөніндегі кеңестің Creative Economy Hub жобасын: Creative Works London (2012-2016), Үндістандағы мәдени және жасампаздық индустриялар жобасын (2008-2010) және Innovative Spaces жобасын (2008-2009) іске асырды. 100-ден астам кітап пен мақаланың авторы және тең авторы болып табылады. Жақын арада Creative Hubs Report 2016 тең авторы болды. 

Мәдени қызметтер көрсету жөніндегі директор, Glasgow Life, Шотландия, Ұлыбритания

Джилл 2009 жылдан бастап Glasgow Life компаниясының мәдени қызметтер көрсету жөніндегі директоры болып табылады. 1999 жылдан бастап Глазго қалалық кеңесінің Мәдени қызметтер көрсету және бос уақыт департаментінде соған ұқсас қызметтер атқарды. 

Мәдени қызметтер көрсету жөніндегі директор ретінде Джилл бейнелеу өнері мен музыка, мұражайлар мен топтамалар саласындағы жұмысты басқарады және «Еріктілік» пен «Тең мүмкіндіктер» сияқты маңызды бастамаларға жетекшілік етеді. Сондай-ақ суретшілер мен арт-ұйымдарды дамыту және олардың ұмтылыстарын іске асыру үшін серіктестерді дамыта әрі мүмкіндіктерді құра отырып, қаладағы өнер саласында маңызды рөл атқарады. «ЮНЕСКО-ның музыка қаласы» ретіндегі Глазгоның мұражайлары мен концерт залдарын дамыту бойынша, сондай-ақ Celtic Connections сияқты іс-шаралар және қаланы абаттандыру жобалары, атап айтқанда танымал Kelvin Hall кешенін қайта жабдықтау жобасы бойынша жұмыс істейді. Қазіргі заманғы бейнелеу өнері мен орындаушылық өнер орталығы ретіндегі Tramway арт-кеңістігінің маңызын арттыру бойынша жобаға жетекшілік етті, соның нәтижесінде дәл сол Tramway арт-кеңістігінде 2015 жылы Тернер сыйлығының тұңғыш рет Шотландияда тапсырылу салтанаты болып өтті.

Джиллдің мемлекеттік жасампаздық индустриялар секторында, сондай-ақ ерікті ретінде мол жұмыс тәжірибесі бар. Шотландияның тоқыма өнеркәсібі колледжін бітірген, содан кейін фриланс суретші, фасилитатор және оқытушы болып жұмыс істеді. 1990 жылы Файф округтік кеңесінде өнер және кемтар адамдардың өзін өзі шығармашылық жағынан танытуы жөніндегі маман қызметіне қабылданды. 

Астана қаласының Урбанистика орталығының басшысының орынбасары.

Данияр Аманалиев «Ololo» арт-студиясының негізін қалаушысы.

Өзбекстан Республикасы Мәдениет министрлігінің Мәдениет және өнер дамыту қорының мәдениет және өнер, білім беру, инвестиция және патронаж бағдарламаларын жүзеге асыру департаментінің бастығы.