2025 жылы біз Қазақстан үшін жаңа гранттық бағдарламаны – Connections Through Culture (CTC) – қуанышпен іске қосамыз. Бұл бастама Ұлыбритания мен Азия-Тынық мұхиты аймағы, Еуропа және енді Орталық Азия елдері арасындағы шығармашылық ынтымақтастықты қолдайды.
CTC гранттары шығармашылық мамандар мен мәдени ұйымдардың бірлескен жобаларын жүзеге асыруға бағытталған, бұл өз кезегінде мәдениетаралық алмасуды дамытуға және тұрақты халықаралық байланыстарды орнатуға септігін тигізеді.
2023–2024 жылдары біз алдыңғы гранттық бағдарламамыз аясында 8 бірегей жобаны қолдау үшін £75,000 қаржы бөлдік. Бұл жобалар инклюзия, мәдени сәйкестік және климаттың өзгеруі сияқты өзекті тақырыптарды қамтыды. Олардың қатарында инклюзивті театр фестивалі, музыкалық және кино іс-шаралар, сондай-ақ шығармашылық воркшоптар болды. Грант иелері туралы толығырақ мына сілтеме бойынша біле аласыз.
Грант алуға өтінім беру
Гранттардың соңғы кезеңіне өтінім беру қазір ашық. Жаңа бірлескен жобаларды қолдау үшін £5000 немесе £10000 мөлшерінде шамамен 90 гранттың берілуі күтілуде.
Өтінім берушілер өтінім бермес бұрын төмендегі өтінімге арналған құралдар жиынтығын жүктеп алып, барлық ақпаратты мұқият оқып шығуы тиіс.