Sounds of Space: Revelation through Touch (Ғарыш дыбыстары: Түрту арқылы ашылу)
Sounds of Space: Revelation through Touch – өнердің барлық адамдарға, әсіресе көру қабілеті шектеулі жандарға қолжетімділігін зерттеуге арналған жоба. Ол тактильді керамикалық авангардтық нысандарды пайдалану арқылы қатысушыларға өнерді қолмен сезіну мүмкіндігін ұсынды. Жобада музыка көру қабілеті шектеулі адамдардың сезімдік әлеміне бағыттаушы рөл атқарды. Осы шығармашылық үдеріс барысында White Space атты музыкалық трек жасалып, қатысушылар бұл әуеннен алған әсерлерін супрематизм стиліндегі суреттерге бейнеледі. Көрмеде 15 тактильді өнер нысаны ұсынылды, олардың ішінде 10 жазық сурет, 15 мүсін және көру қабілеті шектеулі қатысушылар салған 13 сурет болды. Ашылу салтанатына 80 адам келді, ал көрме жалпы 300 келушіні қабылдады. Бағдарлама аясында музей кураторы мен музыка мұғалімінің екі дәрісі өтті, сондай-ақ шығармашылық үдеріс пен қатысушылардың ойларын көрсететін бейне дайындалды.
Іс-шараның өтетін күні: 7 маусым 2024 ж.
Іс-шара фотосуреттерін біздің Flickr парақшамыздан көре аласыз.
Five Films for Freedom at bULt (Бостандық үшін bULT-та бес фильм)
British Council ұйымдастырған Five Films for Freedom фестивалі аясында фильм көрсетілімдері, панельдік талқылау және Лондонда тұратын диджей әрі визуалды суретші LCY қатысқан кеш өтті. Кинорежиссер Малика Мухамаджан жүргізген пікірталаста өнер, белсенділік және LGBTQIA+ мәселелерінің тоғысуы талқыланып, LCY өздерінің жаһандық тәжірибесімен бөлісті. bULt кешінде LCY-дің эксперименталды диджейлік сеті тыңдармандарға олардың ерекше музыкалық стилін таныстырды. SZNS7N лейблінің негізін қалаушы LCY жаңашыл әртістермен бірлесіп жұмыс істеп, Unsound, Glastonbury, Fabric және La Machine du Moulin Rouge сынды ірі фестивальдер мен клубтарда өнер көрсетті.
Іс-шара күндері: 21–22 наурыз 2024 ж.
Qazaq Indie мен Tolk-тан Üi Küiı
Üi Küiı – көрінбейтін әлемдер мен қолжетпес түйсіктерге жетудің ежелгі құралы ретінде музыка мен дыбысты пайдалана отырып, тыңдау, сипаттау, жазу және сезімді жеткізуге арналған жоба. 101 Dump Gallerie-де өткен жоба түркі мәдениетіне арналған дәрістер сериясын және фильм көрсетілімін қамтыды, онда музыканың рөлі мен көшпенділердің «үй» ұғымына ерекше назар аударылды. Іс-шара барысында музыкатанушы мен тарихшы сарапшылардың қатысуымен талқылаулар өтті, содан кейін инуит суретшісі Таня Тагақ туралы деректі фильм көрсетілді. Бағдарлама Qazaq Indie супертобы мен Лондонның Заманауи Оркестрінің солисі Галя Бисенғалиеваның концерттік орындауларымен аяқталды. Барлық билеттер сатылып, іс-шараға 150 көрермен қатысты.
Іс-шара күндері: 9–10 наурыз және 23 наурыз 2024 ж.
Іс-шара фотосуреттерін біздің Flickr парақшамыздан көре аласыз.
ZVUK музыкалық іс-шарасы
Бұл жоба Ұлыбританияның грайм музыкасы – шеттетілген қауымдастықтардың үні мен заманауи қазақ ақындарының қоғамды шығармашылық арқылы бейнелейтін импровизациялық ақындық өнерінің тоғысын зерттеді. Іс-шарада Бристоль мен Манчестерден келген грайм орындаушылары Kahn (DJ/продюсер) және MC Strategy қазақ өнерпаздары U Edige & MC Tobe-мен бірлесіп, мәдени алмасу алаңын құрды. Kahn мен Tobemde арасындағы арнайы бірлескен сет орындаушылар мен көрермен арасындағы шекараны жойып, әсерді күшейте түсті. Техно музыкасын жергілікті әртістер мен ZVUK резиденттері: Назира, Кокония және Мария Эль ұсынды.
Іс-шара күндері: 8 наурыз 2024 ж.
Іс-шара фотосуреттерін біздің Flickr парақшамыздан көре аласыз.
