IELTS Жиі Қойылатын Сұрақтар

IELTS тестін қазір тапсыруға бола ма?

Біз IELTS тестін Қазақстандағы әрбір сессияда саны шектеулі үміткерлермен  өткізуді жалғастырамыз. Емтихан барлық денсаулық сақтау шаралары бойынша өткізілуін қатаң бақылаймыз.

Жаңа тіркеулер әдеттегідей біздің веб-сайтымызда қабылданады. Сіз сайтымыздағы IELTS тестіне тіркелу бетіне кіріп, өзіңізге ыңғайлы күнді таңдасаңыз болады.   

British Council мекемесінде IELTS тапсыру қауіпсіз бе?

Біздің үміткерлер мен әріптестеріміздің денсаулығы мен әл-ауқаты біз үшін өте маңызды. Сондықтан біз жергілікті билік пен British Council белгілеген барлық қауіпсіздік шараларын сақтаймыз.

Біз орталықтарымызда қауіпсіздікті қамтамасыз ету үшін төмендегі шараларды енгіздік:

• Әр тестілеуге кіретін үміткерлердің саны шектеулі.
• Тестілеу өтетін орны үміткерлер кірер алдында және тест кезінде мерзімді желдетіліп тұрады.
• Әрбір тестілеу өтетін орны тестілеу алдында толықтай дезинфекцияланады.
• Компьютерде және қағаз түрінде өткізілетін IELTS кезінде барлық жабдықтар әр сессия алдында және сессиядан кейін дезинфекцияланады.
• Біздің қызметкерлеріміз мекемеде әрқашан бетперде тағып және қолғап киіп жүреді.
• Барлық үміткерлер әрқашан бетперде тағып, 2 метр қашықтықты сақтауы керек. Қаласаңыз, резеңке қолғап киюге болады, бірақ бұл міндетті емес.
• Біз барлық қызметкерлер мен үміткерлердің антисептиктерге оңай қол жеткізе алатынына көз жеткізу үшін антисептиктің тестілеу бөлмесінде болуын қамтамасыз етеміз. Үміткерлер қалауынша тестілеуге өздерімен бірге санитайзер алып кірсе болады.

British Council мекемесінде бетперде тағу керек пе?

Мекемеміздегі қызметкерлер мен үміткерлер әрқашан бетперде тағып жүруі керек. Бұл тесттің сөйлеу бөліміне де қатысты. Тестке өзіңізбен бетперде алып келсеңіз болады, немесе қаласаңыз, оны тест өтетін мекемеде алуға болады.

Тест кезінде тағуға болатын бетперде түріне шектеу жоқ. Фотоға түсіру және жеке куәлікті тексеру кезінде сізден бетпердені қысқа уақытқа алып тастау сұралады, бірақ осы уақыт ішінде қажетті физикалық қашықтық сақталады.

Ashyq қосымшасын қолдану керек пе? 

Иә. Ғимараттың кіреберісінде және British Council кеңсесінде Ashyq қосымшасымен QR-кодты сканерлеуге дайын болыңыз.

Covid-19 кезінде сертификатымды қалай алсам болады?

IELTS тестінің онлайн нәтижелерін IELTS үміткерлерінің порталындағы тест тапсырушы аккаунты арқылы біле аласыз. Егер сіз IELTS тестін қағаз негізінде тапсырсаңыз - 13 күнтізбелік күн ішінде, ал компьютерде тапсырған IELTS нәтижесін 3-5 күннен кейін білуге болады.

IELTS тестінің нәтижелері тест тапсырушы порталында қолжетімді болады, бірақ тест тапсырушы порталындағы ұпайлар сіздің IELTS сертификатыңыз ретінде қабылданбайды. Қауіпсіздік мақсатында біз сізге тест нәтижелерін телефон, электрондық пошта немесе факс арқылы бере алмаймыз.

Кеңседен сертификатымды қалай алсам болады? 

Қазіргі уақытта клиенттерге IELTS тест қорытындысы бойынша сертификатты (Test Report Forms) біздің кеңседен алу мүмкіндігін ұсынамыз. Кеңселерімізге келесі күндері келуге болады:

• Алматы - дүйсенбі - жұма күндері: 10.00 - 17.00 
• Нұр – Cұлтан, дүйсенбіден жұмаға дейін - 09:00-18:00 (Мәңгілік Ел даңғылы 22) - 2021 жылғы 18 тамыздан кейін емтихан тапсырған үміткерлер үшін (қоса алғанда)
• Нұр – Cұлтан, Қонаев к-сі, 33, "Астаналық" БО, 2 қабат, 212 кеңсе (дүйсенбі, сәрсенбі, жұма, 13.00-ден 15.00-ге дейін) - 2021 жылғы 17 тамызға дейін (қоса алғанда) емтихан тапсырған кандидаттар үшін
• Атырау - сейсенбі және жұма: 14.00-17.00 (Жастар сарайы, Абай орталығы, Әбілқайыр хан даңғылы, 54А, ғимараттың оң жағынан кіреберіс)
• Шымкент - дүйсенбіден жұмаға дейін: 09:00-17:00 (Cambridge Line мектебі, Нұрсәт көшесі, 259, кеңсе залы, директор кабинетінің жанында)

Тест қорытындысы бойынша сертификатты (TRF) Алматыдағы кеңсемізден — қағаз тестіден өткен соң 13 күннен кейін, Нұр-Сұлтаннан 17 күннен соң алып кете аласыз. Компьютер арқылы тапсырған болсаңыз, Алматыда TRF-ыңызды 5 күн өткен соң ала аласыз. Нұр-Сұлтан қаласында тапсырған болсаңыз TRF-ыңызды 7 күн өткен соң ала аласыз. Есіңізде болсын, тест тапсырған кезде көрсеткен жеке басты куәландыратын құжатты апаруыңыз керек. Егер сізде TRF-ті өзіңіз жеке алып кетуге мүмкіндігіңіз болмаса, оны алуды үшінші тараптарға сеніп тапсыра аласыз. Сенім білдірілген тұлға өзінің жеке куәлігінің немесе паспортының түпнұсқасы мен сертификатты алуға толтырылған сенімхатыңызды ұсынуы тиіс.

IELTS деген не?

The International English Language Testing System – ағылшын тілін тестілеудің халықаралық жүйесі IELTS – жоғары оқу орнына түсуге және шетелге қоныс аударуға көмектесетін әлемдегі ең танымал ағылшын тілінің тестілеу жүйесі. Өткен жылы IELTS тестін 2.9 миллионнан астам адам тапсырды.

Тест қандай форматта өтеді және қанша уақыт алады? 

IELTS төрт бөлімнен тұрады – Тыңдалым (30 минут), Оқылым (60 минут), Жазылым (60 минут) және Сөйлеу (11–14 минут). Жалпы емтихан уақыты 2 сағат 45 минут. Тыңдалым, Оқылым, Жазылым тестері үзіліссіз орындалады. Сөйлеу бөлімі сіз тіркелу кезінде таңдаған күні өтеді. 

Тест бағасы қандай?

Тест бағасы туралы ақпаратты онлайн тіркелу жүйесінде таба аласыздар. Төлеуге тек қазақстандық теңге қабылданады. Басқа валютамен жасалған аударымдар қабылданбайды. 

Қазақстанда емтиханды қанша жерде тапсырса болады? 

British Council IELTS тестін Қазақстан бойынша үш негізгі локацияда тапсыруға мүмкіндік береді: Алматы, Нұр-Сұлтан және Шымкент.

Тест күндерін тексеру үшін IELTS тестіне арналған веб-сайтымызды тексерсеңіз болады. 

Тестті қашан тапсырсам болады?

Сайтымызда емтиханды тапсыру үшін мекенжайды және күнін таңдай аласыз. Сіз біздің веб-сайтта көрсетілген қолжетімді күндерге ғана өтініш бере аласыз.

Тестті қаншалықты жиі тапсыруға болады?

IELTS тестін қанша рет тапсырғыңыз келсе, сонша рет тапсырсаңыз болады. Сіз қалаған тест нәтижесін қолдана аласыз.

Алайда IELTS орталығы ретінде сізге емтиханды қайта тапсырар алдында қосымша дайындалуды ұсынамыз. Сондай-ақ, IELTS  ақысыз практикалық материалдарын қолдана отырып, біліктілікті арттыруға болады.

Ғылыми (Academic) және Жалпы дайындық (General  Training) модульдері арасында басты айырмашылық қандай?

IELTS тестінің екі түрі бар – Academic және General Training. Ғылыми тест әдетте ағылшын тілін жетік білу деңгейін талап ететін бағдарламалар бойынша жоғары білім алғысы келетіндерге арналған. Жалпы дайындық тесті төменгі дәрежеде білім алу, ағылшын тілінде сөйлейтін елде немесе өз еліңізде жұмыс істеу үшін және ағылшын тілінде сөйлейтін елге қоныс аудару үшін тапсырылады.

Әр ұйым кіруге өз талаптарын қояды. Кейбір жағдайларда IELTS тестінің екі нұсқасы да қабылдануы мүмкін. Тестіңізді брондамас бұрын түскіңіз келетін ұйымда қандай модуль қабылданатынын тексеріңіз. 

IELTS ұпайлары қай жерде қабылданады?

IELTS әлем бойынша 11,000-нан астам ұйымдарда қабылданады. Соның ішінде университеттер, мемлекеттік органдар, кәсіби мекемелер және көпұлттық компаниялар. IELTS сонымен қатар қоныс аудару үшін ағылшын тілін білуді талап ететін елдерде қабылданады. 

Веб-сайтымызда  IELTS сертификатын қабылдайтын ұйымдар тізімін тексере аласыз. Сонымен қатар, сіз қабылдау критерийлері туралы білу үшін  тікелей таңдаған мекемеге хабарласуыңыз керек.

Мүмкіндігі шектеулі үміткерлерге қандай көмек көрсетіледі?

Біз сізге емтиханда арнайы шаралар қолданып, көмек көрсетеміз. 

Егер сізде көру, есту, сөйлеу немесе оқу қиындықтары болса, сізге біздің ресми IELTS тест орталықтарында көмектеседі. Егер сізге IELTS емтиханының өзгертілген нұсқасы керек болса, орталығымызға үш ай бұрын хабарлауыңызды сұраймыз.   

Егер арнайы жағдайлар (мысалы, қосымша уақыт) жасалуы керек болса, орталығымызға алты апта бұрын хабарлауыңызды сұраймыз. 

Сіздің ағылшын тілін білу деңгейіңіз сізде қандай да бір мүгедектікке немесе ерекше қажеттіліктерге қарамастан объективті түрде бағаланады.

Арнайы жағдайларға не кіреді?

• Брайль қағазы
• Қажетті жерде тоқтау және кідірістері бар арнайы тыңдау бар CD дискісі
• Тыңдау тестінің ерін арқылы оқу нұсқасы
• Брайль жүйесінің ұлғайтылған таңбалары және оқу тапсырмасының карточкалары

Қандай көмек түрін алуға болады?

Көру қабілетіңіз нашар болса, біз келесі заттармен қамтамасыз ете аламыз:

• ұлғайтылған таңбалар
• Брайль жүйесіне негізделген қағаз тестер
• жауаптарыңызды жазып алуға арналған көшіруші адам.

Есту қабілетіңіз нашар болса, біз келесі заттармен қамтамасыз ете аламыз:

• дыбысты күшейтуге арналған арнайы жабдық
• тыңдау тестінің ерін арқылы оқу нұсқасы.

Дислексия ауруына шалдыққан болсаңыз, біз келесі шартпен қамтамасыз ете аламыз:

• оқу және жазу тестеріне арналған қосымша уақыт

Егер арнайы қажеттіліктеріңіз болып, IELTS тест нұсқасын өзгерту керек болса, жергілікті тест орталығына мүмкіндігінше эл. пошта немесе телефон арқылы хабарласыңыз.

IELTS тесті бір күнде тапсырыла ма?

Тесттің Тыңдалым, Оқылым және Жазылым бөлімдері  әрқашан бірінен кейін бірі аяқталады, олардың арасында үзіліс болмайды. Сіз Сөйлеу бөлімінің күнін таңдай аласыз. Сөйлеу бөлімі тестілеу күні немесе тестілеу күніне дейін 6 күнге дейін немесе 1 күннен кейін жүргізілуі мүмкін.

Емтихан бөлмесіне не алып кіруге болады?

Тек қарындаштар, ұштағыштар мен өшіргіштер және жапсырмасы жоқ мөлдір бөтелкедегі су. Сондай-ақ, тіркеу кезінде пайдаланған төлқұжатты немесе жеке куәлікті алып келу қажет.

Қалған заттардың бәрін емтихан бөлмесінің сыртында қалдыру керек. Ұялы телефондар мен басқа да электронды құрылғыларды сөндіріп, жеке заттармен бірге бақылаушы белгілеген жерге қалдыру керек.

Егер сіз электронды құрылғыларды өшірмесеңіз немесе өзіңізбен бірге алып кірсеңіз, емтиханнан шеттетілесіз. Тест бөлмесіне ешқандай қол сағат тағып кіруге рұқсат етілмейді. Қол сағатыңызды заттарыңызбен бірге қауіпсіз багаж аймағында қалдыруыңыз қажет. Тест өтетін жерде сағат болады.

Қай бөлімді бірінші тапсырамын?

Сіз алдымен Тыңдалым бөлімін, содан кейін тесттің Оқылым мен Жазылым бөлімдерін аяқтайсыз.

Тестілеу орталығына байланысты, Сөйлеу бөлімі сол күні немесе тестілеу күніне дейін 6 күнге дейін немесе 1 күннен кейін жүргізілуі мүмкін.

Тыңдалым және Сөйлеу кезінде қандай акценттерді естуім мүмкін?

IELTS халықаралық тест болғандықтан, түрлі ағылшын акцент түрлері екі тестте де кездеседі. 

Оқылым бөлімінде жауаптарды көшіру үшін қосымша уақыт беріле ме? 

Жоқ. Тыңдалым бөлімі бір сағат созылады және сіз жауаптарыңызды осы уақыт ішінде жазып үлгеру керексіз. 

Тыңдалым және Оқылым бөлімдерінде қалам қолдансам бола ма? 

Жоқ. Бұл бөлімдерді қарындашты қолданып аяқтау керексіз.

Тыңдалым және Оқылым сұрақ қағаздарында ескертпелер жазсам бола ма? 

Иә. IELTS емтиханын қабылдаушысы сіздің сұрақ қағазыңызды көрмейді, себебі бағалау сіздің жауап қағазында қалдырған жауаптарыңызға негізделген.

Сөйлеу бөлімі қалай өтеді?

Сөйлеу тесті - сертификатталған IELTS емтихан алушысымен әңгіме. Ол екі нұсқада қолжетімді: бетпе-бет және Zoom арқылы компьютерлік бейнеқоңырау. Сөйлеу тесті үш бөлімнен тұрады және оған 11 - 14 минут уақыт кетеді. Ол баспаға жазылады. Тест форматы туралы көбірек білу үшін мына веб-сайтқа өтіңіз. 

Сөйлеу дағдыңызды жақсартқыңыз келсе, мына бетке өтсеңіз болады. 

Тест күні мені фотоға түсіре ме?

Бізге IELTS тесті кезіндегі қауіпсіздік өте маңызды екендігін ескеріңіз. Белгілі жерлерде қосымша шара ретінде, тест күнінде барлық қатысушылардың фотосуреттерін IELTS әкімшілік қызметкерлері түсіріп алуы қажет. Жаңа шараға сәйкес, IELTS  әкімшілік қызметкерлері қатысушыларды тест күні паспорт стилінде фотоға түсіреді. 

IELTS тесті күні суретке түсу -  барлық үміткерлердің ынтымақтастығы мен қатысуын қажет ететін маңызды жаһандық бастама. Егер сізде сұрақтар туындаса немесе бұл сізге тестілеу күні қолайсыздық тудырса, біздің қызметкерлерге дереу хабарлаңыз. Бекітілген қауіпсіздік шараларын орындамаған үміткерлер тестілеуге жіберілмеуі мүмкін, сонымен қатар тестілеу күнін ауыстыра және/немесе кез келген түрдегі ақшаны қайтара алмауы мүмкін.

Менің фотосуретім тестілеу күні түсірілгенін ескере отырып, мен тағы бір фотосурет тапсыруым керек пе? 

Жоқ, тестке тіркелген күні немесе тест тапсыратын күні фотосурет(тер) тапсыруыңыз қажет емес. 

Сөйлеу бөліміне не алып келуім керек? 

Тіркеу кезінде жүктеген және тест уақытында пайдаланған жеке куәлігіңізді алып келуіңіз керек. Сіздің жеке куәлігіңіз сұхбат бөлмесіне кірмес бұрын тексеріледі.

IELTS тестіне тіркелу туралы көбірек ақпаратты қайдан тапсам болады? 

IELTS тестіне біздің веб-сайтымызда тіркеле аласыз. Біздің онлайн тіркелу бетшемізде өзіңізге ыңғайлы күнге тіркелсеңіз болады.

Өтініш беру үшін қандай құжаттар қажет?

Қазақстандық жеке куәлігіңіз немесе төлқұжатыңыз. Назар аударыңыз, жарамдылық мерзімі өтпеген жеке куәлік немесе төлқұжат қана қабылданады. IELTS тестіне тіркелу кезінде өтінішіңізде осы ақпаратты мұқият толтырып,  жеке куәлікті немесе төлқұжатты жүктеу қажет.

Қазақстан азаматтығы жоқ үміткерлеріміз халықаралық төлқұжатымен тестке қатысуы керек (мерзімі өтіп кетпеуі керек). Тұрғылықты жері мен жұмысқа рұқсаты жеке басын куәландыратын құжат болып саналмайды.

Тіркелуде пайдаланған жеке куәлігімді жоғалтып алсам не істеймін? 

Жеке куәлігіңіздің немесе төлқұжатыңыздың көшірмесін біздің электронды поштаға жіберу арқылы тест орталығына хабарлауыңыз керек, сосын біз жүйеге өзгерістер енгіземіз. 

Кәмелетке толмаған баланы қалай тіркеуге болады?

Біріншіден, тіркеу бетінде сәйкес тестілеу күнін таңдаңыз және содан кейін сіз тіркеу порталына кәмелетке толмаған баланың ата-анасы немесе қамқоршысы ретінде тіркеліп, жеке мәліметтеріңізді біздің жүйеде сақтауыңыз керек. Бұл кезеңде сізден электрондық пошта, IELTS есептік жазбаңызға кіру үшін қажет құпия сөз, ат, тегіңіз, туған күн, байланыс ақпараты, мекен-жай сияқты негізгі ақпаратты сақтау сұралады. Сонымен қатар сізден кім тест тапсыратынын көрсету сұралады, бұл жерде сіз «менің балам» опциясын таңдауыңыз керек.

Содан кейін келесі бетте сізден кәмелетке толмаған үміткердің жеке ақпаратын сақтау сұралады. Бұл қадамнан кейін сіз кәмелетке толмаған үміткер туралы ақпаратты сақтауыңыз керек, «Иә; Мен рұқсат беремін» опциясын таңдап, тіркеуді аяқтаңыз.

Тетске тіркелгенімді растайтын e-mail қанша уақытта келеді?

Тіркелгеннен кейін сізге IELTS тестінің автоматты түрде электрондық поштаңызға хат жіберіледі, оның ішінде сіздің тестілеу нөміріңіз болады.

Егер сіз IELTS Life Skills тестіне тіркелсеңіз, электронды поштаға тест туралы мәлімет аласыз.

Қосымша ақпарат алу үшін Тұтынушыларға қызмет көрсету қызметіне хабарласыңыз.

Тестке қалай төлесем болады? 

Төлемді кредит немесе дебеттік карта арқылы онлайн тіркеуді аяқтаған кезде жасауға болады немесе тіркеуді аяқтағаннан кейін банктік аударым арқылы төлеуге болады. Егер сіз төлемді банк аударымы арқылы орындасаңыз, төмендегі ақпаратты төлемнің түсіндірме бөлігіне енгізіңіз.

• Үміткердің аты-жөні
• Емтихан күні
• Тіркелу порталында сізге берілген жеке нөміріңіз

Банк төлемін таңдасаңыз, төлем 5 жұмыс күніне дейін уақыт алуы мүмкін екенін ескеруіңізді сұраймыз.

Банк арқылы төлеу үшін банк деректері қандай? 

Тестіңізге төлемді келесі аккаунтқа жіберсеңіз болады: 

KBE 17

НАЗАР АУДАРЫҢЫЗ: Төлем жасаған кезде толық аты-жөніңізді, IELTS тіркелу нөміріңізді (A3-KZ001 деп басталатын 15 сан) және емтихан тапсыру күнін белгілеу керексіз. Мысалы: Akhmetov/A3-KZ001-000000-0000/05.05.2021. Дәл осындай ақпаратсыз біз сіздің төлеміңізді анықтай алмаймыз. 

Citibank банкісінен басқа кез келген банк арқылы төлем жасай алатыныңыз есіңізде болсын. 

Есіңізде болсын, сіздің тіркелуіңіз 24 сағат ішінде жарамды болады.

Біз төлемді алғаннан кейін сіз тіркелгеніңіз туралы e-mail аласыз және онда емтихан күні, басталатын уақыты және мекен-жайы жазылады. 

Шетелден төлем жасай алам ба?

Тестке шетелде жүріп төлей аласыз. Дегенмен, естеріңізге сала кетейік, Қазақстанға ақша аудару кезінде қосымша ақы алынуы мүмкін. Аударым жасамас бұрын банкіңізден анықтап алыңыз.

Төлемді біз тек қазақстандық теңгеде қабылдаймыз. Басқа валютамен жасалған төлемдер қабылданбайтын болады. 

Менің тестім үшін басқа адам төлем жасай ала ма?

Иә. Бірақ төлем жасайтын адам төлемнің түсіндірме бөлігінде келесі ақпаратты енгізуі тиіс.

• Үміткердің аты-жөні
• Емтихан күні
• Тіркелу порталында сізге берілген жеке нөміріңіз

Мен тестке төледім, бірақ растау хатын алған жоқпын. Не істеуім керек?   

Төлеміңіз бізге жеткенше 5 жұмыс күні кетуі мүмкін. Егер төлемді растағаннан кейін 5 күннен кейін әлі төлемді растайтын хат алмасаңыз, тұтынушыларға қызмет көрсету орталығына хабарласыңыз.

Неліктен менің кредит картамнан басқа сома алынды? 

IELTS халықаралық тесті болғандықтан, ол халықаралық төлем шарттарына бағынады. Кейбір банктер кейде шығындарда, әсіресе валютаның ауытқуы жоғары болған кезде, өз клиенттерінің шығындарына қатысты болуы мүмкін шамалы бағамдық айырмашылықтарды көрсете алады. Егер сіз осындай жағдайға тап болсаңыз, бұл туралы банкіңізге хабарласуды ұсынамыз.

Мен төлем жасадым. Енді тестімнің өтетін күнін, уақытын және мекен-жайын қалай көре аламын? 

Тіркеу аяқталғаннан кейін емтиханыңыз өтетін күні, уақыты мен орналасқан жері туралы барлық мәліметтер сіздің электрондық поштаңызға жіберіледі. Сондай-ақ, сіз тест тапсырушы порталында тест туралы мәліметтерді таба аласыз.

Егер тесттен бас тартқым келсе немесе өтетін күнін өзгерткім келсе не істеуім керек?

Егер сіз тестілеуден 5 апта бұрын тест күнін өзгерту туралы  немесе одан бас тарту туралы өтінім қалдырсаңыз, сізге ақысыз тест күнін өзгертуге болады немесе ақшаңызды толық қайтарады.

Егер сіз емтиханды медициналық себептерге байланысты 5 аптаның ішінде кейінге қалдырсаңыз немесе одан бас тартсаңыз, сізге емтихан ақысының 25% -ы шегеріліп қайтарылады. Бұл жағдайда сіз жарамды дәлелдемені беруіңіз керек.

Қосымша ақпарат алу үшін біздің өзгерту және болдырмау туралы саясатымызға жүгініңіз  немесе тұтынушыларға қызмет көрсету орталығына хабарласыңыз.

Тест күні мен ауырып қалсам немесе келе алмасам не істеймін? 

Егер сіз тестілеу күні алдын ала ескертусіз келмесеңіз, сіз толық төлемнен айырыласыз.

Алайда, егер сіз емтихан тапсырылған күннен кейін 5 жұмыс күні ішінде медициналық анықтама берсеңіз, сізге тест ақысының 25% -ы шегерілген сома қайтарылады. Немесе сіз көрсетілген соманы төлеп, тестілеу күнін кейінге қалдыра аласыз.

Көбірек ақпарат алу үшін тұтынушыларға қызмет көрсету орталығына хабарласыңыз.

Мен Сөйлеу тестін тапсыратын күнді өзгерте аламын ба? 

Үміткерлер IELTS тесті үшін Сөйлеу бөлімінің өтетін күнін таңдай алады; алайда тестілеу орталықтары Сөйлеу тестінің күндерін өзгертуге құқылы. Сіз сөйлеу тестінің күнін өзгерту үшін бізге хабарласа аласыз. Біз сізге ретімен көмектесе аламыз.

IELTS Life Skills сөйлеу тестінің уақыты тестілеу орталығымен тағайындалады. Егер сіздің денсаулығыңызбен байланысты қандай да бір күрделі мәселе болса және сізде медициналық анықтама болса немесе сіз осы тестті өтуге  басқа елден келсеңіз, Сөйлеу бөлімінің күндері тағайындалмас бұрын бізге хабарлауыңыз керек.

Егер мен кешігіп қалсам немесе менің бақылауымнан тыс жағдайларға байланысты тестімнің бір бөлігін тапсыра алмасам не істеуім керек? 

Сіз тестілеу орталығына тыңдалым, оқылым және жазылым бөлімінің жоспарланған уақытынан 60 минут бұрын және сөйлеу бөлімінің жоспарланған уақытынан 20 минут бұрын келуіңіз керек. Егер сіз кеш келсеңіз, сізге тест тапсыруға рұқсат берілмейді және ақшаны қайтаруға немесе аударуға құқығыңыз болмайды.

Жүргізуші куәлігі, елде уақытша тұру рұқсаты, жұмысқа рұқсат немесе студенттік билет сияқты құжаттармен тестке қатыса аламын ба?

Жоқ. Жоғарыда көрсетілген құжаттар тестке қатысу үшін қолданыла алмайды.

Сіз IELTS емтиханына тестке тіркелу кезінде көрсетілген құжатпен ғана қатыса аласыз (Қазақстандық жеке куәлік немесе төлқұжат).

Егер менде қазақстандық төлқұжат болмаса, тестілеуге қандай құжат қабылданады?

Егер сізде қазақстандық төлқұжат болмаса, IELTS тестіне қолданыстағы Қазақстанның ұлттық жеке куәлігімен тіркелуге болады. Егер сіз шетелден өтініш берсеңіз, сіз тек жарамды халықаралық төлқұжатты пайдалана аласыз. Есіңізде болсын, мерзімі өткен құжаттар қабылданбайды.

Кез келген IELTS сертификаты қанша уақыт жарамды?

Тест қорытындысы бойынша сертификат 2 жылға жарамды. Сіз IELTS тестіне қалағаныңызша қатыса аласыз. Өзіңіз қалаған нәтижені қолдана аласыз.

IELTS емтиханынан өту ұпайын кім тағайындайды?

Ұпайлар 9 жолақты жүйе бойынша бағаланады. Әрбір білім беру мекемесі немесе ұйым жеке талаптарға сәйкес IELTS ұпайының деңгейін жеке белгілейді. Сондықтан, сіз өтініш бергіңіз келетін мекемеге хабарласуыңызды ұсынамыз.

Мен емтихан нәтижесін мекемелерге қалай жібере аламын? 

Қаласаңыз, онлайн-жүйе арқылы IELTS нәтижелерін танитын өзге ұйымдар не жоғары оқу орындарына бес қосымша сертификатқа дейін тегін жолдай аламыз. Бұл қызметті IELTS сертификатын сұратып отырған ұйым (мәселен: университеттер, көшіп-қону қызметі және т.б.)  жүйеде тіркелген болса қолдануға болады. Бұл үшін тестілеуден өткеннен кейін екі жыл ішінде Үміткердің порталында тиісті мекен-жайларды жазыңыз. IELTS сертификатын сұратып отырған ұйымдардың тіркелгенін білу үшін мына сілтеме арқылы өтіп немесе осы сілтеме бойынша ұйымдардың тізімін жүктеп ала аласыз.   

Егер IELTS сертификатыңызды талап етіп отырған жерге жібергенімізді қаласаңыз, сол ұйым туралы ақпаратты тіркелген кезде, болмаса тіркеуден өткен соң тест тапсырушыларға арналған портал арқылы енгізуіңіз керек. Мұны тестілеу күнінен 10 күн бұрын немесе нәтижесі шыққан соң жасай аласыз. Бастысы, қосымша сертификаттар алуға қатысты өтініштер шамамен 7 жұмыс күні ішінде қаралатынын ескеріңіз. 

Егер жоғары оқу орны онлайн-жүйеде  тіркелмесе, ол жаққа TRF нәтижесін өз есебіңізден жолдауыңыз керек болады. 

IELTS сертификатының бес данадан көп төлнұсқасын ала аламын ба?

Иә, ала аласыз. Ол үшін мына нұсқаулықпен танысып шықсаңыз болады:

1. Сертификат телнұсқасын алуға арналған форманы толтырыңыз. Әрбір қосымша сертификаттың құны — 3000 теңге (бір данасы бір қабылдаушы ұйымға жіберіледі). Төлемді кез келген банк арқылы біздің банк реквизиттерін көрсетіп жасай аласыз. 

2. Сертификатыңыздың телнұсқасын онлайн немесе пошта арқылы жібере аласыз. Егер онлайн алатын болсаңыз, тек 1 және 3-тармақтарға сүйеніңіз.

3. Бізге мына құжаттарды info@kz.britishcouncil.org адресіне жолдауыңызды сұраймыз:  

• Қосымша сертификат алуға толтырылған өтініш;
• Жеке куәліңіздің не төлқұжатыңыздың көшірмесі;
• Төлемнің расталғанын. 

4. Қосымша сертификат алуға берілген өтініштердің шамамен 7 күні ішінде қаралатынын ескеруіңізді өтінеміз.

5. Кандидаттар өз сертификаттарының қабылдаушы ұйымға пошта арқылы жіберілуін ұйымдастыруды өз жауапкершілігіне алады. Қалауыңызға қарай кез келген жедел жеткізу қызметін немесе бізге кеңсеге келіп, алып кететін курьерге тапсырыс берсеңіз болады. Өзіңіз таңдаған курьерлік қызметпен төлем тәсілін келісуіңіз қажет. Жеткізу қызметін кеңсеміздің жұмыс уақытына  (дүйсенбі - жұма, 9.00 - 18.30) туралаңыз.  Электрондық пошта арқылы TRF-ті қалай алуды жоспарлағаныңыз туралы бізге хабарлаңыз.

6. Курьер келген соң сертификатыңызды соған табыстаймыз. Сертификатты сұратуы үшін курьерге аты-жөніңізді айтып қойыңыз.

7. Қабылдайтын жақ кандидат жинаған ұпайды IELTS нәтижелерін тексеруге арналған онлайн жүйе арқылы растауы мүмкін. Ол үшін оларға кандидаттың сертифика нөмірі қажет болады. Оны сіздің сертификатыңыздың оң жақ төменгі бұрынышынан таба аласыз. 

Тест нәтижелерін қай уақытта алуға болады?

Егер қағаз тест тапсырған болсаңыз, Алматыда сертификатыңызды тест тапсырғаннан кейін 13 күнтізбелік күн өткен соң, ал Нұр-Сұлтанда 17 күнтізбелік күн өткен соң ала аласыз. 

Ал егер IELTS тестін компьютер арқылы тапсырсаңыз, Алматыда сертификатыңызды тест тапсырғаннан кейін 5 күнтізбелік күн өткен соң, ал Нұр-Сұлтанда 7 күнтізбелік күн өткен соң ала аласыз. 

Есіңізде болсын, тест тапсырған кезде көрсеткен жеке басты куәландыратын құжатты апаруыңыз керек. Егер сізде TRF-ті өзіңіз жеке алып кетуге мүмкіндігіңіз болмаса, оны алуды үшінші тараптарға сеніп тапсыра аласыз. Сенім білдірілген тұлға өзінің жеке куәлігінің немесе паспортының түпнұсқасы мен сертификатты алуға толтырылған сенімхатыңызды ұсынуы тиіс.   

TRF жоғалтсам не болады?

Егер тестіден өткеніңізді растайтын сертификатыңызды (Test Report Form) жоғалтып алсаңыз, өзіңіз тапсырған тестілеу орталығына барыңыз. Жабық болған жағдайда сертификаттың төлнұсқасына  ielts.org арқылы тапсырыс берсеңіз болады. Сертификатты қайта ресімдеу қызметі төленеді (5000 KZT).

Тест қалай бағаланады?

Ұпайлар 9 жолақты жүйе бойынша бағаланады. Тесттің әр бөлімі бойынша 0 мен 9 аралығындағы IELTS ұпайларын аласыз. Сіздің сертификатыңызда (TRF) төрт машықтың әрқайсысының жеке ұпайы (тыңдалым, айтылым, оқылым, жазылым) және жалпы ұпай көрсетіледі. IELTS тестінің форматы туралы толығырақ ақпаратты веб-сайтымызда оқи аласыз.

Нәтижем дұрыс емес деп ойласам не істей аламын?

IELTS емтихан алушылары мен маркерлер бағалаудың қатаң нұсқауларын ұстанатынын және үнемі бақыланатынын ескеріңіз. IELTS тестілеу үдерісі сапаны бақылаудың ең жоғары тәртіптеріне сай өтеді.

Сіз тест тапсырушы порталы арқылы тестілеу күнінен бастап алты аптаның ішінде тестілеу орталығында «Нәтижелерді сұрау» (EOR) рәсіміне өтініш бере аласыз. Сұрау алымын төлеуіңіз керек, ол сіздің нәтижеңіздің ұпайы өзгерген жағдайда толық қайтарылады. Нәтижелер туралы сұраулар туралы көбірек білу үшін бізге электрондық поштамызға өтініш жіберіңіз.

Нәтижелерді сұрағаныма қалай төлесем болады?

Егер сіз күткен ұпайды жинамаған болсаңыз, тестілеуді қайта тексеруге өтініш бере аласыз. Өтінімдер емтихан тапсырылған күннен кейін 6 апта ішінде қабылданады. Бұл нәтижелерді сұрау (EOR) деп аталады. Сіз қай тестілеу бөлімдерін қайта тексергіңіз келетінін таңдай аласыз және оны тест тапсырған тест орталығынан сұрауыңыз қажет.

Бұл қызмет үшін 30 000 теңге ақы алынады, ол сіздің жалпы ұпайыңыз өзгерген жағдайда қайтарылады. EOR аяқтау сегіз аптаға созылуы мүмкін.

EOR рәсіміне өтінімді тест тапсырушы порталында онлайн қалдыра аласыз. 

Сонымен қатар, сіз төмендегі «Нәтижелер туралы анықтама» формасын жүктеп, тест тапсырған тестілеу орталығына жібере аласыз. Төлем туралы куәлікті міндетті түрде қосыңыз.

Нәтижелерді қайта тексеруге өтініш беру үшін мына құжаттар қажет:

• нәтижелерді қайта тексеруге толтырылған және қол қойылған өтініш; 
• қызметтің төленгенін растау;
• төлқұжаттың немесе жеке куәліктің көшірмесі; 
• өз қолыңызбен, ағылшын тілінде жазылған ақша қайтарымына өтініштің сканерленген көшірмесі.

Нәтиже әдетте бірнеше факторға, соның ішінде қайта тексеруге сұралған бөлімдер санына байланысты 2-21 күн ішінде келеді. Егер сізге 28 күннен кейін жауап келмесе, тест орталығына хабарласыңыз.