Алдын ала тіркелу арқылы біздің кеңседен тест қорытындысы бойынша сертификатты ала аласыз. 

Кеңсеге келуге белгіленген күндер:

  • Алматы - дүйсенбі - жұма күндері: 10.00 - 17:00 
  • Нұр-Султан - дүйсенбі, сәрсенбі, жұма күндері: 13:00-15:00 (2 қабат, 212 A, Астаналық бизнес орталығы, 33 Қонаев к-сі)

Нәтижелерді қай уақытта алуға болады?

Нәтижеңізді білу үшін тест тапсырғандарға арналған порталға кірсеңіз болады. IELTS қорытындысы жүйеде 28 күн сақталады. Бірақ оларды деңгейіңізді ресми растайтын құжат ретінде қолдануға болмайды.  

Егер қағаз тест тапсырған болсаңыз, нәтижеңізді тест тапсырғаннан кейін 13 күнтізбелік күн өткен соң көре аласыз. 

Ал егер компьютер арқылы тапсырсаңыз, қорытындысы тестілеу өткеніне 3-5 күн болғанда дайын болады. 

Егер тестіден өткеніңізді растайтын сертификатыңызды (Test Report Form) жоғалтып алсаңыз, өзіңіз тапсырған тестілеу орталығына барыңыз. Жабық болға жағдайда сертификаттың телнұсқасына  ielts.org арқылы тапсырыс берсеңіз болады. 

Нәтижемнің физикалық көшірмесін қашан аламын?

Тестілеуден өткеніңіз туралы сертификатты (TRF) Алматыдағы кеңсемізден — қағаз тестіден өткен соң 13 күннен кейін, Нұр-Сұлтаннан 17 күннен соң алып кете аласыз. Компьютер арқылы тапсырған болсаңыз, Алматыда TRF-ыңызды 5 күн өткен соң ала аласыз. Нұр-Сұлтан қаласында тапсырған болсаңыз TRF-ыңызды 7 күн өткен соң ала аласыз. Есіңізде болсын, тест тапсырған кезде көрсеткен жеке басты куәландыратын құжатты апаруыңыз керек. Егер сізде TRF-ті өзіңіз жеке алып кетуге мүмкіндігіңіз болмаса, оны алуды үшінші тараптарға сеніп тапсыра аласыз. Сенім білдірілген тұлға өзінің жеке куәлігінің немесе паспортының түпнұсқасы мен сертификатты алуға толтырылған  сенімхатыңызды ұсынуы тиіс.      

Егер басқа қалада тұратын болсаңыз, TRF-ыңызды peaking Test-ке тіркеліп жатқан кезде KazPost поштасы арқылы жіберуді сұратыңыз. 

Осылайша IELTS (Test Report Form) сертификатын көрсетілген жерге жібереміз. 

Жоғары оқу орындарына IELTS тапсырғаны туралы сертификаттың түпнұсқасы қажет, фотокөшірмелері қабылданбайды.   

Қаласаңыз, онлайн-жүйе арқылы IELTS нәтижелерін танитын өзге ұйымдар не жоғары оқу орындарына бес қосымша сертификатқа дейін тегін жолдай аламыз. Бұл қызметті IELTS сертификатын сұратып отырған ұйым (мәселен: университеттер, көші-қон қызметі және т.б.)  жүйеде тіркелген болса қолдануға болады. Бұл үшін тестілеуден өткеннен кейін екі жыл ішінде Үміткердің порталында тиісті мекен-жайларды жазыңыз. IELTS сертификатын сұратып отырған ұйымдардың тіркелгенін білу үшін мына сілтеме арқылы өтіп немесе осы сілтеме бойынша ұйымдардың тізімін жүктеп ала аласыз.   

Егер IELTS сертификатыңызды талап етіп отырған жерге жібергенімізді қаласаңыз, сол ұйым туралы ақпаратты тіркелген кезде, болмаса тіркеуден өткен соң тест тапсырғандарға арналған портал арқылы енгізуіңіз керек. Мұны тестілеу күнінен 10 күн бұрын немесе нәтижесі шыққан соң жасай аласыз. Бастысы, қосымша сертификаттар алуға қатысты өтініштер шамамен 7 жұмыс күні ішінде қаралатынын ескеріңіз. 

Жалпы алғанда, тест тапсырғандарға арналған портал арқылы тест тапсырғаннан күннен санағанда 2 жыл ішінде бес TRF телнұсқасын тегін ала аласыз.  

Егер сіз қосымша TRF үшін төлемді 2020 жылдың қарашаның 25-нде немесе 25-нен кейін жасаған болсаңыз, сіз толықтай ақшаны қайтаруға өтініш бере аласыз.  

Сіздің банктік шотыңыздың мәліметтері көрестілген  форманы сілтеме бойынша өтіп толтырып, оны жеке куәліктің / паспорттың сканерленген көшірмесімен бірге электрондық поштаға 2021 жылдың 22 наурызға дейін жіберуіңізді өтінеміз. 

Егер сіз көрсеткен жоғары оқу орны немесе өзге де ұйым IELTS онлайн-жүйесінде тіркелген болса, нәтижеңіз автомат түрде сол жаққа жолданады. 

Егер ЖОО онлайн-жүйеде тіркелмесе, ол жаққа TRF нәтижесін өз есебіңізден жолдауыңыз керек болады. 

Курьермен жеткізу мекенжайы: 

British Council
Жолдасбеков көшесі, 97
Самал-2, Samal Towers
А-2 блогы, 11-қабат
050051, Алматы
Қазақстан
Тел.: +7 (727) 2444 144
 

IELTS сертификатының телнұсқасын бес данадан көп ала аламын ба?

Иә, ала аласыз. Ол үшін мына нұсқаулықпен танысып шықсаңыз болады:

1. Сертификат телнұсқасын алуға арналған форманы толтырыңыз. Әрбір қосымша сертификаттың құны — 3000 теңге (бір данасы бір қабылдаушы ұйымға жіберіледі). Төлемді кез келген банк арқылы біздің банк реквизиттерін көрсетіп жасай аласыз. 

2. Сертификатыңыздың телнұсқасын онлайн немесе пошта арқылы жібере аласыз. Егер онлайн алатын болсаңыз, тек 1 және 3-тармақтарға сүйеніңіз.

3. Бізге мына құжаттарды info@kz.britishcouncil.org адресіне жолдауыңызды сұраймыз:  

  • Қосымша сертификат алуға толтырылған өтініш;
  • Жеке куәліңіздің не төлқұжатыңыздың көшірмесі;
  • Төлемнің расталғанын. 

4. Қосымша сертификат алуға берілген өтініштердің шамамен 7 күні ішінде қаралатынын ескеруіңізді өтінеміз.

5. Кандидаттар өз сертификаттарының пошта арқылы жіберілуін ұйымдастыруды өз жауапкершілігіне алады. Қалауыңызға қарай кез келген жедел жеткізу қызметін немесе бізге кеңсеге келіп, алып кететін курьерге тапсырыс берсеңіз болады. Өзіңіз таңдаған курьерлік қызметпен төлем тәсілін келісуіңіз қажет. Жеткізу қызметін кеңсеміздің жұмыс уақытына  (дүйсенбі - жұма, 9.00 - 18.30) туралаңыз.  

6. Курьер келген соң сертификатыңызды соған табыстаймыз. Сертификатты сұратуы үшін курьерге аты-жөніңізді айтып қойыңыз.

7. Қабылдайтын жақ кандидат жинаған ұпайды IELTS нәтижелерін тексеруге арналған онлайн жүйе арқылы растауы мүмкін. Ол үшін оларға кандидаттың сертифика нөмірі қажет болады. Оны сіздің сертификатыңыздың оң жақ төменгі бұрынышынан таба аласыз. 

IELTS  ұпайлары нені білдіреді?

Тесттің әр бөлімі бойынша 0 мен 9 аралығындағы IELTS ұпайларын аласыз. Олар сіздің ағылшын тілін қандай деңгейде білетіңізді көрсетеді.

Сіздің сертификатыңызда (TRF) төрт машықтың әрқайсысының жеке ұпайы (тыңдалым, айтылым, оқылым, жазылым) және жалпы ұпай көрсетіледі. Тесттің әр бөлімінде тұтас ұпай (мысалы, 5.0, 6.0, 7.0), сонымен қатар жартылай да (мәселен, 5.5, 6.5, 7.5) алуыңыз мүмкін.

Ұпайлардың қалай есептелетінін мына жерден толығырақ біле аласыз.

IELTS  нәтижелерінің жарамдылық мерзімі

Негізі ұйымдар нәтижелеріңізді екі жыл өтіп кеткен болса қабылдамайды. Болмаса, тест тапсырған соң ағылшын тілі деңгейіңізді жақсартуға тырысып, белсенді түрде қолданғаныңызды дәлелдеуіңіз керек. IELTS серіктестері тест нәтижелеріне 2 жыл өтіп кеткен жағдайда қорытындының сәйкес келетінін растай алмайды.

IELTS нәтижелерін қайта тексерту үшін не істейміз?

Егер сіздің тестіңізді тексерген кезде қате кеткен деп ойласаңыз, апелляциялық қызметке тест нәтижесін қайта тексеруге өтініш қалдыра аласыз. Өтініштер емтихан тапсырған күннен санағанда алты апта ішінде қабылданады. Мұны қорытындыларды сұрату (EOR) деп атайды. Тестілеуіңізді қайта тексеру үшін тесттің бөлімдерін таңдауыңызға болады.  Тест тексергені үшін 30 000 теңге төлеуіңіз қажет. Егер тест тексеріп болған соң қорытынды ұпай өссе, бұл сома сізге қайтарылады. Нәтижелерді тексеру мерзімі 8 аптаға дейін созылуы мүмкін.

Нәтижелерді қайта тексеруге өтініш беру үшін мына құжаттар қажет:

Қосымша ақпарат алу үшін бізге хабарласыңыз.

IELTS-ты қайта тапсыра аламын ба?

IELTS-ты қайта тапсыруға қатысты ешқандай шектеу жоқ. Тест тапсыруға дайын болсаңыз, күнін таңдап, бронь жасай аласыз.Тесттке дайындық секциясына мына сілтеме бойынша кіріп дайындық тестінен өтіп, деңгейіңізді бағалап көріңіз.