IELTS Academic – жоғары білім беру ортасында оқуға дайындалыңыз

IELTS Academic тесті академиялық және жоғары білім беру ортасында оқу үшін сіздің ағылшын тілі деңгейіңіздің жеткілікті болуын бағалайды. Ол ғылыми тілдің кейбір ерекшеліктерін көрсетеді және оқу немесе дайындықты бастауға қаншалықты дайын екеніңізді бағалайды.

Келесідей мақсаттарыңыз болса, осы тесті тапсырыңыз:

  • әлемнің кез келген жерінде бакалавриат немесе магистратура деңгейінде оқу 
  • Ұлыбританиядағы 4-деңгей демеушісі болып табылатын университетте 4-деңгейдегі студенттік визаға өтініш білдіру
  • ағылшын тілінде сөйлейтін елдегі кәсіби ұйымда жұмыс істеу.

Сіз қағаз немесе компьютерлік IELTS Academic арасында таңдау жасай аласыз.

Егер сізге Ұлыбританияда жұмыс істеу немесе оқу үшін виза қажет болса, кей жағдайда сізге IELTS for UK Visas and Immigration немесе IELTS Life Skills тестілерін тапсыру қажет болуы мүмкін. 

IELTS Academic тесті үшін төлем: 64 000 KZT

Төлем құнына не кіреді?  IELTS төлем құнына эксклюзивті дайындық материалдары, тегін практикалық тесттер және тағы басқа кіреді.

Ұзақтығы: 2 сағат 45 минут (тыңдау, оқу және жазу бөлімдері) + 11-14 минут (сөйлеу бөлімі)

Формат: Тест тыңдау, оқу, жазу және сөйлеу деген төрт бөлімнен тұрады. Егер сіз IELTS-ке British Council-ге тіркелсеңіз, ол British Council-дің ресми IELTS тестілеу орталығында өтеді.
 
Егер сіз қағаз түріндегі тест тапсырсаңыз, сөйлеу бөліміне тапсыру үшін мына мүмкіндіктер ұсынылады:
  • тесттің басқа бөлімдері өтетін күні тапсыру
  • бір күн бұрын (егер негізгі тестілеу күні сенбі күні болса, жұмада)
  • келесі күні (егер негізгі тестілеу күні бейсенбі болса, жұмада)
Сізге сөйлеу бөлімі болатын күні туралы бір апта бұрын хабарлайды. Егер сіз компьютерлік тестіні тапсырсаңыз, сөйлеу бөлімін тапсыру күнін таңдау өз еркіңізде.

1. IELTS ғылыми тесті, 1-бөлім: Тыңдау тапсырмалары

Ұзақтығы: 30 минут және жауаптарды жауаптар парағына жазу үшін 10 минут

Пішімі: Әртүрлі акценттері бар төрт аудио жазба.

Жауаптарды жазу жолдары:

  • көп нұсқалы жауаптар 
  • сәйкестендіру
  • сызбаны белгілеу
  • аяқталмаған сөйлемдерді толтыру.

Ағылшын тілі ана тілі болып табылатын сөйлеушілердің төрт жазбасын тыңдап, бірнеше сұраққа өз жауаптарыңызды жазасыз.

  • 1-жазба – екі адамның арасындағы күнделікті әлеуметтік ортада қойылған әңгіме. 
  • 2-жазба – күнделікті әлеуметтік ортада қойылған монолог, мысалы жергілікті нысандар туралы сөйлеу.
  • 3-жазба – адамдар арасындағы (адамдар саны – төртке дейін) білім және тәрбие беру ортасында қойылған әңгіме, мысалы, университет мұғалімі мен студенттің тапсырманы талқылауы.
  • 4-жазба – ғылыми пән, мысалы, университет дәрісі төңірегіндегі монолог.

Бағалаушылар сіздің негізгі идеялар мен толық нақты ақпаратты, сөйлеушілердің пікірі мен көзқарасын, сөйлесу үзіндісін түсіну қабілетіңіздің дәлелін және идеяларды дамыта алу қабілетіңіздің дәлелін іздейді.

2. IELTS ғылыми тесті, 2-бөлім: Оқу тапсырмалары

Ұзақтығы: 60 минут

Пішімі:

  • Тапсырмалары бар үш ұзақ оқу үзіндісі (диаграммалар, кестелер немесе суреттерді қосқанда
  • Мәтіндер сипаттамалы, фактіге негізделген, дискурсивтік және талдамалық түрлерінен тұрады.

Оқу бөлімінде оқу дағдыларының кең ауқымын тексеруге арналған 40 сұрақ бар. Оларға жүгіртіп оқу, ізденіп оқу, егжей-тегжейлі оқу, логикалық дәлелдерді түсіну және жазушылардың пікірін, көзқарасын және мақсатын тану кіреді.

Бұл бөлім нақты ақпарат бөлігінен талқылау және талдау бөлігіне дейінгі үш ұзын мәтінді қамтиды. Олар кітаптар мен газет-журналдардан алынады. Олар мамандандырылмаған аудиторияға арналған, бірақ университетке түсетін немесе кәсіби тіркеуді қажет ететін адамдарға жарамды.

3. IELTS ғылыми тесті, 3-бөлім: Жазу тапсырмалары

Ұзақтығы: 60 минут

Пішімі:

  • Мәтінді немесе диаграммаларды сипаттау, түсіндіру немесе қорытындылау үшін бір жазбаша тапсырма (кемінде 150 сөз)
  • Бір эссе тапсырмасы (кемінде 250 сөз).

Тақырыптар бакалавриат және магистратураға түсетін немесе кәсіби тіркеуді талап ететін тест тапсырушыларға арналған және жалпыға ортақ қызығушылық аясынан алынады. Екі тапсырма бар:

  • 1-тапсырма – сізге графикалық кесте немесе диаграмма беріледі және оларды сипаттау, қорытындылау немесе ақпаратты өз сөзіңізбен түсіндіру сұралады. Деректерді, процесс кезеңдерін, бір нәрсе қалай жұмыс істейтіні жайлы және зат немесе оқиғаны сипаттап, түсіндіру сұралуы мүмкін. 
  • 2-тапсырма – пікірге, дәлелге немесе проблемаға жауап ретінде эссе жазу сұралады. Екі тапсырманың да жауаптары ресми түрде болуы керек.

Екі тапсырманың да жауаптары ресми түрде болуы керек.

4. IELTS ғылыми тесті, 4-бөлім: Сөйлесу тапсырмалары

Ұзақтығы: 10–14 минут

Пішімі:

  • Емтихан қабылдаушымен өзіңізге таныс тақырыптар бойынша қысқаша сұрақтарды және бір тақырып бойынша тереңінен сөйлесуді қамтитын бетпе-бет сұхбат.

Келесі жағдайды ескеріңіз: тест орталығының орналасқан орнына байланысты, тестің сөйлесу бөлімін басқа күнге брондау талап етілуі мүмкін.

Сөйлесу бөлімінде сіздің сөйлеу кезінде ағылшын тілін қолдану деңгейіңіз бағаланады. Әрбір тест жазып алынады.

  • 1-бөлім – емтихан қабылдаушы өзіңіз туралы және үй, отбасы, жұмыс, оқу және қызығушылықтар сияқты таныс тақырыптар туралы сұрақтар қояды. Бұл бөлім төрт-бес минутқа созылады.
  • 2-бөлім – сізге белгілі бір тақырып бойынша сөйлеуді сұрайтын карточка беріледі. Дайындалуға бір минут беріледі және содан кейін екі минутқа дейін сөйлеуіңіз қажет. Емтихан қабылдаушы сол тақырып бойынша бір-екі сұрақ қояды.
  • 3-бөлім – 2-бөлімдегі тақырып бойынша қосымша сұрақтар қойылады. Бұл бөлімдер абстрактілі пікірлер мен мәселелерді толықтай талқылауға мүмкіндік береді. Тестің осы бөлімі төрт-бес минутқа созылады.

IELTS Academic тестіне тіркеліңіз

Жетістік IELTS-тен басталады. Егер сіздің мақсатыңыз университетте оқу немесе ағылшын тілінде сөйлейтін елде жұмыс істеу болса, IELTS Academic сізге қажет болады.
 
British Council-де біз сізден тесттен сүрінбей өту үшін қолдау көрсетуге дайынбыз. British Council -да тест тапсыруға тіркелген кезде, сізге Road to IELTS Last Minute курсы тегін беріледі. Ол курстың ішінде оқу кеңестері айтылған 9 видео, 100 интерактивті тапсырма мен тіл білудің төрт дағдысының әрқайсысына арналған 2 практикалық тест бар. 
 
 
Тестке тіркелмес бұрын, өтініш білдіретін ұйымдарда қандай тест қажет екенін анықтап алыңыз.