International Student Identity Card (ISIC), British Council IELTS және StudyPortals қолдауымен.

GLOBAL STUDY AWARDS ДЕГЕНІМІЗ НЕ?

ISIC Association, StudyPortals және British Council IELTS ұйымдары Global Study Awards бағдарламасын бастайды. Біздің мақсат – жастарды шетелде жоғары білім алуға, сондай-ақ жаңа елдермен, мәдениеттермен және тілдермен танысуға шабыттандыру.

Біз шетелде оқу көптеген студенттер үшін маңызды, көп нәрсені өзгертетін тәжірибе бола алады деп санаймыз, себебі олардың алдынан жеке басы мен кәсіби жағынан жаңа мүмкіндіктер ашады және мәдениет аралық өзара түсіністікке әрі түрлі адамдардың арасындағы төзімділіктің артуына ықпалдасады.
Global Study Awards шеңберінде бөлінген қаржы-қаражат ең бірінші кезекте бағдарламаның жеңімпазы оқуға түсетін жоғары оқу орнына тікелей оқу ақысын төлеуге бағытталады.

Егер оқу ақысы 10 мың фунт стерлинг мөлшеріндегі бөлінген сомадан кем болса, қалған ақшаны тәуліктік шығынды (студент жоғары оқу орнында тіркелген сәттен санағанда 52 аптадан аспайды) өтеу үшін пайдалануға болады.

Қатысу туралы өтінім беру мерзімі

Өтінімдерді қабылдау ашық

Өтінім беруге болатын шекті мерзім - 20 шілде– оқуын 2018 жылдың күзде бастайтын студенттер үшін. 

Өтінімдерді құрамына серіктестердің өкілдері кіретін комиссия қарастырады және бағалайды. Жеңімпаздарды іріктеу алдында жеке сұхбаттасуға шақырылатын үміткерлердің қысқаша тізімі жасалады. Жеңімпаздар өтінімдерді жинау аяқталғаннан кейінгі 3 айдың ішінде жарияланады.

Біздің іздегеніміз кім?

GLOBAL STUDY AWARDS ТӨМЕНДЕГІДЕЙ ТАЛАПТАРҒА САЙ КЕЛЕТІН, ЫНТАСЫ ЖОҒАРЫ, ДАРЫНДЫ ЖАСТАРҒА ҚОЛДАУ КӨРСЕТЕДІ:

  • оқудың арқасында қоғамның дамуына қандай үлес қоса алатынын;
  • өзінің кәсіптік қызметін дамытуға үлкен ынтасы бар екенін көрсете білген;
  • түрлі мәдениет өкілдерінің арасындағы өзара түсіністікті нығайтуға және тәжірибе алмасуға шын мәнінде мүдделі үміткерлерге.

Жеңімпаздар British Council IELTS, ISIC және StudyPortals ұйымдарының іс-шараларына қатысуға және басқа студенттермен тәжірибесін бөлісуге дайын болуға тиіс. Global Study Awards бағдарламасы әлемнің бүкіл елдерінен келетін абитуриенттер үшін ашық. Жеңімпаздар жоғары оқу орнында немесе оны бітіргеннен кейін білім алу үшін өздері таңдаған кез келген бағдарлама бойынша шетелде оқу мүмкіндігіне ие болады. Global Study Awards шеңберінде бөлінген қаржы-қаражатты студенттің тұратын елінде оқу ақысын төлеу үшін пайдалануға болады.

Бағдарламаға кім қатыса алады?

GLOBAL STUDY AWARDS БАҒДАРЛАМАСЫНА МЫНАДАЙ ҮМІТКЕРЛЕР ҚАТЫСА АЛАДЫ:

  • оқу басталатын кезде жасы 18-ден кіші емес;
  • British Council ұйымының мамандандырылған орталығында IELTS емтиханын тапсырып, 2017 жылғы 1 маусымнан кейін British Council ұйымынан Test Report Form (TRF) ресми куәлігін алған;
  • қатысу туралы өтінім берген сәтке қарай ISIC және (немесе) International Youth Travel Card (IYTC) картасын иеленетін;
  • 2018 жылдың күзінде басталатын, жоғары оқу орнының немесе оны бітіргеннен кейін жоғары оқу орнының күндізгі бөлімшесіне оқуға түсуді жоспарлайтын;
  • тиісті оқу орнына оқуға қабылданғаны туралы хатты белгіленген мерзімде берген;
  • өзінің оқу тәжірибесі туралы қысқаша эссені STeXX.com сайтында жариялаған.

Егер қандай да бір сұрақ туындаса, «Жиі қойылатын сұрақтар» (FAQ) бетін қараңыз. Сондай-ақ қатысу бойынша толық талаптарды қараңыз.
Share this