Сіздің ағылшын тілін меңгеру деңгейіңіздің сізге Австралияда оқуға, жұмыс істеуге немесе тұруға мүмкіндік беретінін көрсету үшін IELTS сынағынан өтіңіз. Австралиядағы 900-ге жуық оқу орындары мен оқу бағдарламалары и IELTS баллын сіздің ағылшын тілін білетініңіздің дәлелі ретінде мойындайды.
Австралияда оқу немесе жұмыс істеу туралы тегін нұсқаулығымызды жүктеп алыңыз.
Австралияда оқу немесе жұмыс істеу
Австралияның университеттері мен ұйымдары ELTS сынағының сіздің ағылшын тілінде түсіну, оқу, жазу және сөйлеу қабілетіңіздің шынайы бағасын беретінін мойындайды. Сынақты ағылшын тілін меңгеру деңгейін бағалау саласындағы жетекші әлемдік мамандар әзірлеген.
Біздің іздестіру жүйеміз IELTS баллын мойындайтын барлық австралиялық ұйымдармен танысуға мүмкіндік береді. Study in Australia сияқты ұйымдар ұсынатын материалдармен танысып шығып, Австралиядағы оқу туралы қосымша мәлімет алыңыз.
Австралияға эмиграция
IELTS сынағынан өту Австралияда тұрғысы келетін барлық адамдарға арналған иммиграциялық бағдарламаның міндетті бөлігі болып табылады (Australian Migration Visa). IELTS сынағы негізгі өтініш берушілер үшін де, сол сияқты ерлі-зайыптылар мен отбасының кәмелетке жеткен (18 жастан асқан) мүшелері үшін де міндетті. IELTS емтиханына тіркелмес бұрын Австралияда IELTS өту баллының қандай екенін және емтиханның қандай түрі (Академиялық және жалпы) талап етілетінін білуіңіз қажет.
Сіз Австралияның Иммиграция және азаматтық мәселелері жөніндегі басқармасының (Australian Government Department of Immigration and Citizenship) веб-торабына кіріп, иммиграциялық және студенттік виза ресімдеуге өтініш беру рәсімі туралы толығырақ біле аласыз.