Орталық Азияның креатив индустриясы сарапшыларының 5-ші нетворкиң кездесуі
Өзбекстан Республикасының Мәдениет пен өнерді дамыту қорымен серіктестікте 2024 жылдың 11–15 наурызы аралығында Ташкентте Creative Central Asia (CCA) 5-ші нетворкиң кездесуі өтті.
Іс-шара 2024 жылдың 2–4 қазаны аралығында Ташкентте өтетін Креатив экономика бойынша Дүниежүзілік конференцияның ресми бағдарламасының ішкі тақырыптарының біріне, атап айтқанда «Пәнаралық креатив қалалар» тақырыбына арналды.
Іс-шараға Өзбекстан, Қазақстан және Қырғызстаннан 40 кәсіби маман, соның ішінде креатив хабтардың, кластерлердің, мәдени және өнер орталықтарының құрылтайшылары, кәсіби бірлестіктер мен университет бағдарламаларының жетекшілері, шығармашылық продюсерлер, онлайн платформалар мен пәнаралық жобалардың (фестивальдар, зертханалар, т.б.).
Спикерлер
Халықаралық спикерлер:
- Гейл Кейг, Ұлыбританиядағы креатив индустриясының саясаты мен стратегиялық дамуы бойынша халықаралық сарапшы
- Джон Зефф, Ұлыбританияның креатив индустриялар Кеңесінің бас кеңесшісі және Creative Industries Policy and Evidence Centre (PEC) консультативтік кеңесінің төрағасы
- Элене Тоидзе, Грузия креатив кластерлер альянсының тең құрылтайшысы және директоры.
Стратегиялық мақсаттар
Стратегиялық мақсат қатысушыларды байланыстырушы платформалар тұжырымдамасымен, олардың пәнаралық креатив қалаларды дамытудағы жүйе құраушы рөлімен таныстыру болды; қатысушыларға өз саласында, қаласында, елінде осындай агенттерді анықтауға және Орталық Азиядағы қалалардың әлеуетін бағалауға көмектесу.
Топтық жаттығулар арқылы қатысушылар өз қалаларындағы креатив платформалардың картасын жылдам құрып, аймақтағы бес креатив қаланың: Ташкент, Самарқанд, Алматы, Астана және Бішкектің пилоттық Google карталарын ұсынды.
Жаттығудың мақсаты креатив салалардың пәнаралық және байланыстырушы кеңістіктерін картаға түсіріп, оларды тек жергілікті және халықаралық әріптестерге ғана емес, сонымен қатар қала тұрғындарына да көрнекі ету болды.
Төменде жиналыс есебін жүктеп алыңыз.