«Генри Мур үйіне оралады» – 20-шы ғасырдағы ең сүйікті британдық суретшілердің бірі Генри Мурдың гравюраларының жаңа көрмесі 2015 жылғы 1 желтоқсанда Британдық Кеңестің Лондондағы бас кеңсесінде ашылды.
«Генри Мур үйіне оралады» көрмесі Қазақстанда, Алматыдағы Қастеев атындағы Мемлекеттік Өнер мұражайында 2014 жылғы 27 қаңтардан 27 ақпанға дейін өткен «Генри Мур: Графика шебері» атты басқа көрменің екі жылдық турнесінің нәтижесі болды.
Қазақстан мен тағы алты елдегі тур барысында «Генри Мур: Графика шебері» көрмесіне барлығы 80,000 адам барып шықты. Көрмеде сондай-ақ соңғы жеті жыл ішінде Генри Мурдың ықпалына ерген жергілікті суретшілердің, кураторлардың, келушілердің және мұражайлардың жеке хикаяларын әңгімелеп берді. «Генри Мур үйіне оралады» көрмесі суреткердің халықаралық ықпалын, сондай-ақ Генри Мурдың графикасы мен мүсіндерінен байқалатын басты тақырыптарды ашып көрсетеді.
Графикалық шеберлікті меңгере отырып
«Генри Мур: Графика шебері» көрмесінің білім беру бағдарламасы шеңберінде британдық суретші Сара Джиллет 2014 жылғы ақпанда Алматыда графика бойынша мастер-кластар өткізді. Біз Сараның мастер-кластар мен мұражайдан алған әсерлері туралы онымен біраз сұхбаттасқан едік:
